سەندیکایا رۆژنامەنڤیسێن کوردستانێ هوشدارییەکا توند ئاراستەی هەمی کەناڵ و دەزگەهێن ڕاگەهاندنێ دکەت کو د دەمێ دارشتنا بەرنامەیێن مەها رەمەزانێ دا، ب تایبەت بەرنامەیێن خێرخوازی، پابەندی بنەمایێن ئێتیکی بن و شکۆیا مرۆڤی بپارێزن.
پاراستنا شکۆیا وەلاتییان
سەندیکایێ د بەیاننامەیەکێ دا راگەهاند کو دڤێت دەزگەهێن میدیایی ل مەها رەمەزانێ دا هاوسەنگییێ ڕابگرن و کارێن خێرخوازی نەکەنە ئەگەرێ سووکایەتیکردنێ ب وەلاتییان یان بریندارکرنا هەستێن وان. جەخت ل سەر هندێ ژی هاتییە کرن کو ئەنجامدانا هەر کارەکێ خێرخوازی دڤێت د چوارچۆڤەیێ یاسا و بەهایێن مرۆڤایەتیێ دا بیت.
رێکارێن یاسایی
د پشکەکا دی یا هوشدارییێ دا هاتییە: هەر دەزگەهەکێ ڕاگەهاندنێ یان رۆژنامەنڤیسەکێ پابەندی “پەیماننامەیا شەرەفا رۆژنامەڤانی” نەبیت، سەندیکا دێ ب رێکا داواکارێ گشتی رێکارێن یاسایی دژی وان گریتەبەر و کێشەیێن یاسایی بۆ وان کەناڵان دروست کەت یێن پێشێلکارییان دکەن.
د دویماهیێ دا، سەندیکایێ پیرۆزباهییا هاتنا مەها رەمەزانێ ل هەمی موسڵمانان کر و داخواز ژ رۆژنامەنڤیسان کر کو پیشەییانە و د خزمەتا بەرژەوندییا گشتی دا کار بکەن.
