سەرۆک نێچیرڤان بارزانى دبێژیت: دڤێ یادێ دا ب رێز تەماشەیى دیرۆک و خزمەتا زێدەتر یا نیڤ سەدە یا ئێکەتییا نڤیسەرێن کورد تەماشە دکەین و دیاردکەت، نڤیسەران د هەمى قۆناغێن جودا یێن تێکۆشینێ دا ب پێنووس و هزرێن خۆ سەنگەرەکێ بهێز یێ پاراستنا زمان، ئەدەب، ناسنامەیا نەتەوەیى و نشتیمانى یا گەلێ کوردستانێ بوون و رۆلەکێ کارا د هشیارکرنا کۆمەلگەهێ دا گێڕایە.
هەروەسا ئاشکراکر، نڤسەر هەردەم پێشەنگێن چەسپاندنا بهایێن مرۆڤى و کوورکرنا کلتۆرێ لێبۆرین، پێکڤەژیان و ئێک دو قەبوولکرنێ بووینە و ئەڤرۆ ژى چاڤێ مە ل رۆلێ وان یێ کاریگەر و بەرپرسیارانەیە تاکو بەرهەمێن وان یێن جوان ببنە هێڤێنێ تەبایى، ئێکرێزى و پاراستنا دەستکەفتێن دیمۆکراسى و دەستوورى یێن هەرێما کوردستانێ.
ل دوماهییا پەیاما خۆ ژى دازانین ئەو سەرێ رێزێ بۆ گیانێ پاقژێ نڤیسەرێن شەهید و هەمى وان نڤیسەرێن وەغەرکرى د چەمینن کو تەمەنێ خۆ بۆ خزمەتا پەیڤا کوردى و ئازادییێ بەخشى.
