هەولێر، هەرێما کوردستانێ – 2ی شوباتا 2026 – پشتی هنارتنا ژمارەکا نەخۆشێن تالاسیمیا ژ هەرێما کوردستانێ بۆ دەرڤەی وەلاتی ب مەرەما وەرگرتنا چارەسەریا پێدڤی، کاروانێ سێیێ یێ نەخۆشێن تالاسیمیا ب سەرکەفتیانە ڤەگەریانە هەرێما کوردستانێ.
پڕۆژەیەکێ گرنگ بۆ چارەسەریا تالاسیمیا
وەزارەتا ساخلەمیا حکومەتا هەرێما کوردستانێ راگەهان کو ژمارەکا نەخۆشێن تالاسیمیا بۆ ئەنجامدانا نەشتەرگەرییا چاندنا مۆخێ ئێسک رەوانەی دەرڤەی وەلاتی هاتنە کرن. ئەڤرۆ دووشەمبی، 2ی شوباتا 2026، سێیەمین کاروانێ ڤان نەخۆشان کو 14 تووشبوویێن تالاسیمیان دناڤ دا، پشتی نەشتەرگەری و مانگارتنا وان بۆ پتر ژ 100 رۆژان، ڤەگەریانە زێدێ خۆ.
ئامارێن کاروانێن رەوانەکری
وەزیرێ ساخلەمیێ ئاماژە ب وێ چەندێ ژی کریە کو هەتا نوکە ب پێنج کاروانان، پتر ژ 172 وەلاتییێن هەرێما کوردستانێ، کو پێکدهێن ژ نەخۆشان، بەخشەران و هەڤالێن وان، رەوانەی دەرڤەی وەلاتی هاتنە کرن. ئەڤ رێکارە پشتی ئەنجامدانا رێکارێن زانستی و پزیشکی یێن پێدڤی ل ناڤخۆیا کوردستانێ هاتینە کرن.
حکومەت خەرجییان دگریتە ئەستۆ و کاروانێن بهێت
حکومەتا هەرێما کوردستانێ هەمی خەرجییێن ڤێ گەشتێ، ژ وان خەرجییێن چوون و هاتنێ، مانگارتنێ، پشکنینان و نەشتەرگەرییان ل سەر بودجەیێ تەرخانکری دگریتە ئەستۆ. بریار ژی وایە د رۆژێن بهێت دا، کاروانێ شەشێ یێ تووشبوویان و هەڤالێن وان بۆ هەمان مەرەم رەوانەی دەرڤەی وەلاتی بهێنە کرن.