بڕیارە ئەڤرۆ ێکشەمبی 1ـێ شوباتا 2026، پەرلەمانێ عیراقێ کۆمبوونا ژمارە 7ـێ یا وەرزا یاسادانانێ یا خۆ ئەنجام بدەت. ل گۆری کارنامەیەکێ کو بەری نوکە ژ لایێ فەرمانگەها راگەهاندنا پەرلەمانی ڤە هاتیە بەلاڤکرن، کۆمبوونێ دەمژمێر 11:00ـێ سپێدێ دەستپێدکەت.
ل گۆری کارنامەیێ، روونشتنا ئەڤرۆ ژ دوو تەوەریێن سەرەکی پێکدهێت:
تەوەرێ ئێکێ؛ تایبەتە ب ئەدای سوێندا یاسایی ژ لایێ ژمارەیەک پەرلەمانتاران ڤە، کو بەری نوکە سوێند نەخواریە یان وەک جێ جێگرێ پەرلەمانتارێن دی هاتیە دیارکرن.
تەوەرێ دووێ؛ ئەڤ تەوەرە گرنگترین بڕگەیا کۆمبوونێ یە و وەک وێستگەهەکا ئێکلاکرنێ بۆ تمامکرنا شایستەیێن دەستووری و هەنگاڤتن بەر ب پێکئینانا کابینەیا نوو یا حکومەتێ دهێتە دانان.
ئەڤ روونشتنا پەرلەمانی د چوارچۆڤێ پابەندبوونێ دایە ب ماوهیێن دەستووری بۆ ئێکلاکرنا پۆستێن سیاسی دا . جهێ ئاماژەدانێ یە، بڕیار بوو سێشەمبیا بۆری پرۆسەیا هەلبژارتنا سەرۆککۆماری بڕێڤە بچیت، بەلێ ژ بەر داخوازیا “ئێکەتییا نیشتمانیا کوردستانێ” کۆمبوونێ بۆ ئەڤرۆ هاتە پاشخستن.
ل گۆری وێ رێککەفتنێ یا پشتی 2003، عیراقا نوو لسەر هاتیە ئاڤاکرن، پۆستێ سەرۆککۆمارێ عیراقێ پشکا کوردانە و لایەنێن کوردستانی، پارتی دیموکراتى کوردستان و ئێکەتییا نیشتمانیا کوردستانێ، ئێکگرتوویا ئیسلامی کاندیدێن خۆ بۆ پۆستێ ناڤبری هەنە.
هەرچەندە سەرەتا 81 کەسان سیڤیێن خۆ بۆ کاندیدبوونا پۆستێ سەرۆککۆماری پێشکێش کربوون، بەلێ دڤیایی، رۆژا ئهینی 23ـێ کانوونا دووێ، سەرۆکاتییا پەرلەمانێ عیراقێ لیستا دوماهیێ یا کاندیدێن پۆستێ سەرۆککۆماری بەلاڤکر. لیستێ ژ 19 کەسان پێک هاتبوون، بەلێ نەوزاد هادی، کو ئێک ژ دوو کاندیدێن پارتی دیموکراتى کوردستان بوو، ژ کێبڕکێیا خۆ کاندیدکرنێ ڤەکێشا؛ لەورا نوکە 18 کاندید د کێبڕکێیێ دا ماینە.
18 کاندیدێن دی ئەڤێن خوارێ نە:
1-د. عەبدوڵڵا محەممەد عەلی عەلیاوەیی
2-فوئاد محەممەد حوسێن بەکی
3- نزار محەممەد سەعید محەممەد
4-شوان حەوێز فەریق نامیق
5- ئەحمەد عەبدوڵڵا تۆفیق ئەحمەد
6-حوسێن تەها حەسەن محەممەد سنجاری
7-نەجمەددین عەبدولکەریم حەمەکەریم نەسروڵڵا
8-ئاسۆ فەرەیدوون عەلی
9- سامان عەلی ئیسماعیل شاڵی
10- سەباح ساڵح سەعید
11-ئیقبال عەبدوڵڵا ئەمین هەلیوی
12-سەردار عەبدوڵڵا مەحموود
13-موسەننا ئەمین نادر
14- خالید سدیق عەزیز محەمەد
15-ئازاد مەجید حەسەن
16-رافع عەبدوڵڵا حەمید موسا
17-سالم حەواس عەلی ساعدی
18-لەتیف محەممەد جەمال رەشید
