دووشەمبی 8ی کانوونا ئێکێ یا 2025 ێ رێڤەبەرییا گشتی یا سەقاناسییا ئەرد هەژان ل هەرێما کوردستانێ راپورتا خۆ ل دۆر پێشبینیێن دووشەمب و سێشەمبی یا بەلافکر و ئاماژە ب وێ چەندێ دا کو سوبەهی دێ پێلێن بهێز یێن باران بارینێ هەبن و ئەگەرێ دروستبوونا لافاوان ژی هەیە .
هەرێما کوردستانێ د بن کاریگەرییا پێلەکا بارانبارینێ دایە و هەتا رۆژا چارشەمبییێ دێ یا بەردەوام بیت، لێ سوبەهی سێشەمبییێ دێ کاریگەرییا وێ بهێزتر بیت و رۆژا چارشەمبییێ دێ بەرەڤ لاوازییێ چیت.
پارێزگەها دهۆکێ و ئیدارەیا سەربخۆ یا زاخۆ: کاریگەرییا پێلێ ل ڤی سنۆری دێ پیچەکێ یا لاواز بیت، برێ بارانا پێشبینیکری بۆ سوبەهی سێشەمبییێ ب ڤی رەنگییە:
سەنتەرێ دهۆکێ: (5 بۆ 8) ملیمەتر
سەنتەرێ ئیدارەیا زاخۆ: (7 بۆ 10) ملیمەتر
ئاکرێ: (10 بۆ 15) ملیمەتر
دەڤەرێن چیایی یێن بلند: (10 بۆ 20) ملیمەتر
پارێزگەها هەولێرێ و ئیدارەیا سەربخۆ یا سۆران: بۆ سوبەهی سێشەمبییێ، کاریگەرییا پێلێ دێ پشتی نیڤرۆ زێدە بیت و دێ بیتە بارانەکا ناڤنجی و بهێز، برێ بارانا پێشبینیکری ب ڤی رەنگییە:
سەنتەرێ هەولێرێ: (15 بۆ 20) ملیمەتر
ئیدارەیا سۆران: (25 بۆ 35) ملیمەتر
پیرمام: (25 بۆ 35) ملیمەتر
دەڤەرێن چیایی یێن بلند: (45 بۆ 55) ملیمەترا
پارێزگەها سلێمانیێ، هەلـەبجە و ئیدارەیێن سەربخۆ یێن راپەرین و گەرمیان: سوبەهی سێشەمبییێ ب تایبەتی پشتی نیڤرۆ هەتا ئێڤاری، دێ بارانبارین ب شێوەیێ ناڤنجی و یهێز بەردەوام بیت و دێ بریسی ژی ل گەل بن، برێ بارانا پێشبینیکری ب ڤی رەنگییە:
سەنتەرێ سلێمانییێ: (35 بۆ 45) ملیمەتر
سەنتەرێ ئیدارەیا راپەرین: (35 بۆ 45) ملیمەتر
سەنتەرێ هەلـەبجە: (35 بۆ 45) ملیمەتر
ئیدارەیا گەرمیان: (45 بۆ 65) ملیمەتر (بلندترین ڕێژا پێشبینیکریە).
پارێزگەها کەرکووکێ: سوبەهی سێشەمبییێ دێ پێل زێدە بیت و پشتی نیڤرۆ د پترییا دەمان دا دێ بارانێن بهێز و بریسی هەبن، برێ بارانا پێشبینیکری ب ڤی رەنگییە:
سەنتەرێ کەرکووکێ: (35 بۆ 45) ملیمەتر
ڕێڤەبەریییێ هەروەسان هوشداری دا یە یەکەیێن ئیداری یێن (هەولێر، ئیدارەیا سۆران، سلێمانی، ئیدارەیا راپەرین، ئیدارەیا گەرمیان، پارێزگەها هەلـەبجە) کو بەرهەڤییان بۆ کێمکرنا مەترسییێن بلندبوونا ئاستێ ئاڤێ و دروستبوونا لافاوان بکەن.
