“ئێدی ئاژانسا ناڤدەولەتی یا وزا ئەتومی نەشێت دلنیابوونێ پشتراستبکەت دەربارەی سروشتێ بەرنامەیێ ئەتومی یێ ئیرانێ”
بڤی شێوازی ژێدەرەکێ دبلوماسی یێ ئوروپی بەحس ل سەرپێچیێن وەڵاتێ ئیرانێ دکەت بۆ یاسایێن ناڤدەولەتی هەروەسا دیارکر کو دێ گوشار لسەر حکومەتا ئیرانێ هێنە سەپاندن ژ بەر نە پابەندبوونا وێ ب یاسا و رێسایێن ناڤدەولەتی. پشتی هێرشێن دناڤبەرا ئسرائیل و ئیرانێدا روویداین بو ماوێ 12 روژان ئیران پێکوڵکرن برێکێن دبلوماسی خو ژڤی جەنگی بڤەکێشیت، بەری جەنگی ئیرانێ 400 کیلوگرامێن یورانیومێ پیتاندی برێژا 60% هەبوو, لێ پشتی ئەمریکایێ هێرشکریە بنگەهێ نەتەنز، فوردوو، هەروەسا ئەسفەهان، ئەمریکایێ لێدوان کر و گوت کو یورانیومێ پیتاندی هاتە ژناڤبرن، لێ ل بەرامبەر ئیرانێ گوت زیان ببنگەهـا کەفتیە لێ باس ل ژناڤچوونا یورانیومی نەکر. هەروەسا بابەتێ موشەکێن بالیستی یێن درێژەمەودا یێن ئیرانی هاتیە ئازراندن دناڤ وەڵاتێن ئوروپیدا، کو ئەڤان موشەکان شیان هەنە بگەهنە کێشووەرێ ئوروپا و زیانێ بوان وەڵاتان بگەهینیت.