نێیمار نێزیکە ڤەگەڕێتە سەر ئاستێ خۆ یێ راستەقینە

بادینان دایلی:
نێیمار داسیلڤا ئەستێرەیێ یانەیا سانتۆس یا بەرازیلی د یارییا سپێدەهیا ئەڤرۆ 12 نیسانا 2026ێ دا شیا سەرکردایەتیا سەرکەفتنا یانەیا خۆ ل هەمبەر ئاتلێتیک مینیێرۆ بکەت و پشتی یاریێ ژی هەڵمەتەکا مەزن دەست پێکریە دا کو ئەو یاریزانە جارەکا دی بۆ هەلبژارتیێ بەرازیل بهێتە داخوازکرن

سانتۆس ئەڤ یارییە ب ئەنجامێ 1-0 ل مێڤانێ خۆ برەڤە و تاکە گۆلا یاریێ ژی مۆیسیس د خۆلەکا 63ێ دا پشتی چەند خۆلەکێن کێم ژ هاتنا وی بۆ ناڤ یاریگەهێ تۆمار کر هەرچەندە نێیمار د ڤێ یاریێ دا چو گۆل و ئاسیست نەکردن بەلێ چەندین دەلیڤەیێن گۆلێ بۆ هەڤالێن خۆ دروست کرن و چو ژ وان نەشیان مفا ژێ وەربگرن