ژ ئەنجامێ ئاگربەستا ناڤبەرا ئیرانێ و ئەمریکا بهایێ بیتکۆینی بلند بوو و گەهشتە نێزیکی ٧٣ هزار دۆلاران و ئەڤرۆ سپێدێ چارشەمبی بهایێ یەک بیتکۆین ب رێژەیا ٤.٩٪ زێدە بوو و گەهشتە ٧٢٧٣٨ دۆلاران کو ئەڤە بلندترین ئاستە ژ ١٨ێ هەیڤا بووری وەرە هەر چەندە پاشان بیتکۆینی هندەک ژ قازانجێن خۆ ژ دەست دان و نوکە بهایێ وێ نێزیکی ٧٢ هزار دۆلارانە کارۆلاین مۆرۆن هەڤپشکا دامەزرێنەرا کۆمپانیا ئۆربیت مارکێتس راگەهاند کو بیتکۆین ئەڤرۆ سپێدێ ژبەر ئاگربەستا دەمکی بلند بوو و ئەڤە ژی دزڤریت بۆ وێ ئاسودەییا ل دەڤ وەبەرهێنەران پەیدا بووی کو ژ گرژیێن زێدەتر دویرکەفتینە و پێشبینی دهێتە کرن بازارێن دراڤێن دیجیتاڵی ئەڤرۆ ل دویف جووڵەیا پشک و کەلوپەلێن دی یێن بازارێن دارایی بجووڵن هەروەسا بیتکۆین د حەفتیێن بووری دا خۆراگری نیشان دایە و دابەزینا وێ یا سنووردار بوو پشتی کو فشارێن فرۆشتنێ ژ لایێ سازیان ڤە کێم بووین و ل دویف دوماهی ئاماران ژ حەفتیا بووری و هەتا رۆژا دووشەمبیا ڤێ حەفتیێ ب کۆژمێ ٤٧١.٣ ملیۆن دۆلاران هاتینە خستنە د سندووقێن ئاڵوگۆڕا بیتکۆینی دا بۆ مەرەما وەبەرهێنانێ ئەڤە د دەمەکێ دایە کو د حەفتیا بەری وێ دا ٣٠٠ ملیۆن دۆلار ژ مامەڵێن سندووقێن ئاڵوگۆڕا بیتکۆینی هاتبوونە دەرخستن و هەیڤا بووری ژی وەبەرهێنان د بیتکۆینی دا ب نێزیکی ١.٣ ملیار دۆلاران زێدە بوویە پشتی کو د چار هەیڤێن بەری وێ دا بەردەوام وەبەرهێنان تێدا کێم دبوو