حکومەتا ئیرانێ ب فەرمی داخواز ژ هەمی کۆمپانیێن گواستنا دەریایی کر کو باجا دەربازبوونا کەشتیێن نەوتهەلگر د تەنگاڤا هورمز را ب دراڤێ دیجیتاڵی یێ بیتکۆین بدەن ب مەبەستا کۆنترۆلکرنا رێڕەوێ دەریایی د ماوێ هەردوو حەفتیێن ئاگربەستێ دا حەمید حوسێنی گوتەبێژێ ئێکەتیا هناردەکارێن بەرهەمێن نەوتی بۆ میدیایان دیار کر کو ئیران دێ باجێ ل سەر هەر کەشتیەکا نەوتهەلگر وەرگریت و چاودێریا هاتنوچوونێ دکەت دا کو پشتراست ببیت چ چەک د وی ماوەی دا ناهێنە ڤەگوهاستن هەروەسا ناڤبری ئاماژە ب وێ یەکێ کر کو باجا هاتیە دیارکرن ئێك دۆلارە بۆ هەر بەرمیلەکا نەوتێ و کەشتیێن ڤالا ب بێ بەرامبەر دشێن دەرباز ببن و ئەگەرێ بکارئینانا بیتکۆینی ژی بۆ وێ یەکێ ڤەگەراند کو رێگری ل شووپاندن و دەستبەسەرداگرتنا پارەی بهێتە کرن ژبەر سزایێن ئابووری یێن نێودەولەتی و هەمی بڕیارێن تایبەت ب مەرجێن دەربازبوونێ ل گەروویێ هورمز ژ لایێ ئەنجوومەنێ بلند یێ ئاسایشا نشتیمانیا ئیرانێ ڤە دهێنە دەرکرن و جێبەجێکرن