ژێدەرەکی ژ کۆمپانیا نەفتا باکۆر راگەهاند کو دوهی دوو سەد و دەه هزار بەرمیلێن نەفتا کەرکووکێ ب رێکا هەرێما کوردستانێ بۆ بەندەرێ جەیهان یێ تورکیا هاتینە هنارتن و د هەمان دەم دا هنارتنا هەرێما کوردستانێ تەنێ پانزە هزار بەرمیل بووینە
ئەڤرۆ چارشەمبی هەشتی نیسانا دوو هزار و بیست و شەش ژێدەرەکی ژ کۆمپانیا نەفتا باکۆر دیار کر کو نوکە ب تێکڕا رۆژانە زێدەتر ژ دوو سەد هزار بەرمیلێن نەفتا کەرکووکێ ب رێکا بۆریێن هەرێما کوردستانێ رەوانەی تورکیا دهێنە کرن کو پێشتر ئەڤ هنارتنە ب نێزیکی سەد هزار بەرمیلان ل هەژدەی ئادارا ئەڤ ساڵە دەستپێکریبوو
دەربارەی نەفتا هەرێما کوردستانێ ئەو ژێدەرە دبێژیت کو بەری دەسپێکرنا شەری د ناڤبەرا ئەمریکا و ئیسرائیلێ د گەل ئیرانێ هنارتنا نەفتا هەرێمێ گەهشتیبوو نێزیکی دوو سەد و پەنجی هزار بەرمیلان لێ پشتی هێرشان زۆربەیا کۆمپانیایێن نەفتێ کارێن خۆ ل هەرێمێ راوستاندن و هنارتن ب رەنگەکێ بەرچاڤ کێم بوو
هەروەسا ئاماژە ب وێ یەکێ ژی کر کو نوکە بڕێ هنارتنا رۆژانە یا نەفتا هەرێمێ نەیا جێگیرە و دهێتە گوهۆڕین و هندەک رۆژان دگەهیتە چل و پێنج هزار بەرمیلان لێ بۆ نموونە دوهی تەنێ پانزە هزار بەرمیلێن نەفتا هەرێمێ هاتینە هنارتن
ئەڤ پێنگاڤا عێراقێ بۆ هنارتنا نەفتا کەرکووکێ ب رێکا هەرێمێ پشتی هندێ دهێت کو ب ئەگەرێ شەری هنارتنا نەفتێ ب رێکا دەریا پەککەفتی و ئەڤە ژی بوویە کێشەیەکا مەزن بۆ دارایی عێراقێ چونکی نۆت و دوو ژ سەدێ یێ داهاتێ وڵاتی پشت ب فرۆتنا نەفتێ دبەستیت