بادینان دەیلی
ڕاهێنەرێن هەردوو یانەیێن ڕیال مەدریدا ئیسپانی و بایرن میونشنا ئەلمانی د کۆنگرەکێ رۆژنامەڤانی دا بەری یاریا لووتکە یا ئەڤ شەڤە د چامپیۆنزلیگێ دا ئاخفتن و هەر ئێک ژ وان پەسنا تیپا هەڤڕک کر ڤینیسیۆس جۆنیۆر ئەستێرێ یانەیا شاهانە ڕاگەهاند کو هیڤیدارە بەردەوام بیت ل سەر ئاستێ خۆ یێ نوکە جۆشوا کیمیچ ژی کاپتنێ یانەیا باڤاری دووپات کر کو یاریا چارەکی کۆتایی د خولا یانەیێن قارەمانێن ئەوروپا دا هەر دەم یاریەکا تایبەتە
دەژمێر بیست و دوو سانتیاگۆ بێرنابیۆ دێ بیتە شانۆیا یاریەکا دی یا مەزن یا ئەوروپا دەما کو هەردوو تیپ د یاریا چوونێ دا ڕووبڕووی ئێک دبن
ئەلبانۆ ئەربێلوا ڕاهێنەرێ ڕیال مەدرید دبێژیت یاریزان ب تەمامی د ئاگەهدارن کا ئەڤ یارییە چەند یا ب زەحمەتە و بێگۆمان پێدڤی ناکەت ئەز چو تشتان بینمە ل بیرا وان مە دیتییە بایرن د ناڤ یاریگەهێ دا چ دکەت و دڤێت ئەم یێ ئامادە بین بۆ هندێ کا دێ چ کەن ئەڤە یاریا چارەکی کۆتایی یە بەرامبەر تیپەکێ کو دیرۆکەکا مەزن دگەل مە هەیە و بێرنابیۆ دێ یا تژی بیت ژ وزە و جۆش و خڕۆشی و هەمی هەست ب گرنگیا وێ دکەین دەربارەی ئێمباپێ ژی گۆت ئەو ب باشی دزانیت ڕیال مەدرید چییە و خەونا وی بوو ببیتە یاریزانێ ڕیالێ و مە هەمی وێنەیێن وی دیتینە و ئەو کارێ وی کری بۆ هاتنا ڤێرە نە یێ ب سانەهی بوو هەروەسا گۆت ب ڤەگەرێانا بێلینگهام دێ بینە تیپەکا باشتر چونکی ئەو یاریزانەکێ خودان کوالێتیەکا نایابە و گەلەک تشتان ددەتە مە
ڤینیسیۆس جۆنیۆر هێرشبەرێ ڕیال مەدرید گۆت ئەو دەمێ ئەز ژ گۆلکرنێ ڕاوەستایم قۆناغەکا ب زەحمەت بوو لێ ئەز فێری گەلەک تشتان بووم و نوکە پەیوەندیەکا نایاب دگەل ئەربێلوا هەیە و ئەو هەر دەم متمانەیێ ددەتە من دەربارەی نووکرنا گرێبەستێ ژی گۆت ئەم یێ ئارامین و سەرۆک متمانە ب من هەیە و ئەز دزانم چ دڤێت و د کاتەکێ گونجای دا دێ گرێبەستێ نوو کەین و دێ بۆ دەمەکێ درێژ ل ڤێرە مینم چونکی ئەڤە یانەیا خەونێن منە
ڤینسێنت کۆمپانی ڕاهێنەرێ بایرن میونشن ڕاگەهاند کو دڤێت ئەم خۆ بۆ باشترین وەشانا ڕیال مەدرید ئامادە بکەین وەکا وێ وەشانا مە بەرامبەر مانچێستەر سیتی دیتی ئەڤە دبیت ب زەحمەتترین یاری بیت د دەرڤەی یاریگەها مە دا و ئەڤە ئەزموونەکا ئەرێنی یە هەروەسا دەربارەی هاری کەین گۆت ئەو دزانیت یاری چەند یا گرنگە و دڤێت هەمی یاریزان یێ ئامادە بن و مە بڕیارا خۆ دایە بۆ پێشکێشکرنا ئاستەکێ بلند و برنا یاریێ
جۆشوا کیمیچ کاپتنێ بایرن میونشن گۆت ئێمباپێ یاریزانەکێ خودان لێهاتووییەکا مەزنە و یارمەتیا هەر تیپەکێ ددەت و یاریزانەکێ گەلەک گرنگە بۆ ڕیال مەدرید و گەلەک یاری یەکجار کرینە هەروەسا گۆت دەما ئەز بچووک بووم ئەز هاتیمە ڤێ یاریگەهێ بۆ تەماشەکرنێ و من هەست پێ کر کو جهەکێ زۆر مەزنە و یاریکردن ل ڤێرە شتەکێ تایبەتە و هیڤیدارم سۆباهی چێژی ژێ ببینین