بادینان دەیلی
پارێزگارێ هەولێرێ راگەهاند، ژ ئەڤرۆ و پێدا دابەشکرنا غازا مالان دێ ب رێکا “کارتا ئەلیکترۆنی” بیت و هوشداریێ ددەتە هەمی بریكارێن غازێ، كو هەر كەسەكێ بهایێ غازێ ژ نرخێ حكومی بلندتر بکەت، دێ ب توندی هێتە سزادان.
ئەڤرۆ ئێکشەمبی (٥ی نیسانی ٢٠٢٦)، د کۆبوونەوەیەکێ دا ب سەرپەرشتیا ئومێد خۆشناو، پارێزگارێ هەولێرێ، بڕیار ل سەر رێکخستنا بازاڕی و رێگریکرن ل قۆرخکاریێ هاتە دان. پارێزگاری دیار کر کو دێ هەول دەن کێشەیا کێمیا غازێ ل هەولێرێ ب ئێکجاری چارەسەر بکەن و د وێ دەربارەیێ دا د گەل وەزارەتا سامانێن سروشتی د پەیوەندیێ دانە بۆ زێدەکرنا پشکا رۆژانە یا غازێ.
هەروەسا بڕیار هاتە دان کو ئاسانکاریێن تمام بۆ وان خێزانان بهێنە کرن یێن کو نوی هەڤژینی پێکئینای و هەتا نوکە کارتا سووتەمەنیێ نینە، د گەل چارەسەرکرنا کێشەیا و ئەو هاولاتیێن ل دەڤەرێن ماددێ ١٤٠ دژین، داکو بشێن ل نێزیکترین دەم کارتێن خۆ وەربگرن و پشکا خۆ یا غازێ ب دەست بێخن.