ئەڤرۆ بهایێ زێڕی ل بازاڕێن هەرێما کوردستانێ بلندبوونەکا مێژوویی بخۆڤە دیت و بهایێ ئێک مسقاڵ زێڕێ عەیار ٢١ نێزیکی ملیۆنەک و ١٠٠ هزار دیناران بوو. ل دویڤ زانیاریێن زێڕنگەران، ئەڤرۆ بهایێ زێڕی ب ڤی ڕەنگی یە:
عەیار ١٨: ٩٣٣ هزار دینار (٢٢ هزار گران بوویە).
عەیار ٢١: ملیۆنەک و ٨٨ هزار دینار (٢٤ هزار گران بوویە).
عەیار ٢٢: ملیۆنەک و ١٤٠ هزار دینار (٢٦ هزار گران بوویە).
عەیار ٢٤: ملیۆنەک و ٢٣٦ هزار دینار (٣٢ هزار گران بوویە).
ئەگەرێن گرانبوونێ
بلندبوونا بهایێ ئۆنسا زێڕی ل بازاڕێن جیهانێ بۆ (٥٠٢٠ دۆلاران) و دابەزینا بهایێ دیناری بەرامبەر دۆلاری (١٠٠ دۆلار ب ١٥٢,٣٠٠ دینارانە)، ئەگەرێن سەرەکی یێن گرانبوونا زێڕی نە. شارەزا ئاماژێ ب هندێ دکەن کو پێشبینیێن کێمکرنا رێژەیا سوودێ ل ئەمریکا کاریگەری ل سەر بلندبوونا بهایێ زێڕی ل جیهانێ کریە.
جوداهییا کڕین و فرۆشتنێ کێم بوویە
ژ لایەکێ دیڤە، جوداهییا نرخێ کڕین و فرۆشتنا زێڕی ل دەف زێڕنگەران ژ ٣٠ هزار دیناران بۆ ٢٠ هزار دیناران کێم بوویە. ئەڤ کێمبوونە ژی بۆ دابەزینا بهایێ تێچوویێ حەواڵەیا دۆلاری ڤەدگەریت، کو ژ ٣٠٠ دۆلاران بۆ ٢٢٠ دۆلاران (بۆ هەر ١٠ هزار دۆلاران) دابەزییە.