د ناڤ بازارێن گوهۆڕینا دراڤی ل هەرێما کوردستانێ حالەتەکێ سەیر و دەگمەن سەرنجا هەموو لایەکی راکێشایە ئەو ژی ئەوە کو بهایێ 100 دۆلارێن ئەمریکی ب بڕێ 115 هزار دینارێن ژ جۆرێ 250 دیناری یێن نوی دهێتە گوهۆڕین
ل دەمەکێ دا کو بهایێ ئاسایی یێ 100 دۆلارێن ئەمریکی نێزیکی 153 هزار دینارانە بەلێ ئەگەر تە بڤێت وێ بڕێ بکەی ب دراڤێ 250 دیناری یێ نوی دێ تەنێ 115 هزار دیناران وەرگری و ئەڤە ژی وێ چەندێ دگەهینیت کو جوداهیا بهایێ کڕینا 100 دۆلاران ب دراڤێ هوور 38 هزار دینار جوداهی د ناڤبەرا دا هەیە
ل بازاری دۆلارفرۆشێن هەولێرێ ئێک ژ دراڤگۆهۆڕان ب ناڤێ کاوە راگەهاند کو ئەو پارەیێ 250 دیناری یێ کو پێ دبێژن بلۆک د هەردوو جەژنان دا داخوازەکا زۆر ل سەر هەیە و گۆت ژی پێشبینی دکەم دوو رۆژ بەرى جەژنێ 100 هزار دینارێن ژ وی جۆری ببنە 100 دۆلار و ئەڤە ژی پتر بۆ دیاری و جەژنانەیێ دهێتە بکارهێنان کو ددەنە زارۆکان
دەربارەی 250 دینارێن کۆن ژی ئاماژە ب وێ یەکێ کر کو وەلاتی بۆ مارکێت و پاسان پێدڤی پێ هەیە و ئێک ژ ئەگەران ئەوە کو چاپا وی کێمە و دراڤەکێ کۆنە و زوو دکەڤیت و ژ ناڤ دچیت و گۆت ژی کو نها 145 هزار تا 150 هزار دینارێن ژ وی جۆری بەرامبەر 100 دۆلارانە و ئەگەرێ سەرەکی ژی داخوازا زۆر و کێمیا وی پارەییە د بازاران دا