بادینان دەیلی
وەزیرێ پێشمەرگەی د حکومەتا هەرێما کوردستانێ دا ڕاگەهاند کو خشتەیێن بلندکرنا پلا ئەفسەرێن پێشمەرگەی هاتنە ئیمزاکرن و ئەڤ چەندە ژی وەک پالدەرەکە بۆ بەردەوامبوونا وان د پاراستنا ئاخا کوردستانێ دا و دلنیاییێ ددەتە وان ئەفسەرێن ناڤێ وان د ڤی لیستی دا نینە کو ب زووترین دەم پلێن وان ژی دێ هێنە بلندکرن
دوشەمبی 11ی گولانا 2026 شۆڕش ئیسماعیل وەزیرێ پێشمەرگەی یێ هەرێما کوردستانێ د پەیامەکێ دا ڕاگەهاند ئەڤرۆ ب خۆشحالیەکا مەزن ڤە خشتەیێن بلندکرنا پلا ئەفسەرێن قارەمان یێن وەزارەتا پێشمەرگەی ڕادگەهینین
وەزیرێ پێشمەرگەی ئاماژە ب وێ چەندێ کر کو ژ دەستپێکا دەستبکاربوونا وان وەک تیمەکا ئێکگرتی هەولێن مەزن داینە دا کو ئەڤ پرۆسەیە د دەمێ خۆ یێ یاسایی دا جێگیر بکەن و گۆت ژی باوەریا مە یا تەمام هەیە کو بلندکرنا پلا ئەفسەران دێ بیتە وزەیەکا نووی و پالدەرەکێ ب هێز دا کو ب مورالەکێ بلندتر وەک قەلایەکا پۆلایین د پاراستنا ئاخ و شکۆیا گەلێ کوردستانێ دا بەردەوام بن
دەربارەی وان ئەفسەرێن کو ناڤێ وان د ڤان خشتەیان دا نینە شۆڕش ئیسماعیل دلنیایی دا وان و گۆت دلنیاییێ ددەینە وان ئەفسەرێن ناڤێ وان د خشتەیێن دی دا هەی کو ب زووترین دەم شایستەیێن بلندکرنا پلا وان دێ ڤەگەرنە وەزارەتا پێشمەرگەی
د دووماهیا پەیاما خۆ دا وەزیرێ پێشمەرگەی گەرمترین پیرۆزباهی ل ئەفسەرێن هێزا پێشمەرگەی کرن و هیڤیا سەرکەفتن و بەردەوامیێ بۆ خواستن