پارتی سیڤیێن کاندیدێن خوە بۆ سێ پۆستێن بلند پێشکێشی عەلی زەیدی کرینە

پەرلەمانتارەکێ پارتی دیموکراتی کوردستان رادەگەهینیت کو وان سیڤیێن کاندیدێن خوە بۆ پۆستێن وەزارەتا دەرڤە و وەزارەتا ئاڤەدانکرنێ و جێگرێ سەرۆکوەزیران رادەستی عەلی زەیدی سەرۆکوەزیرانێ راسپێردی کرینە شێروان دووبەردانی ئەندامێ فراکسیۆنا پارتی ل پەرلەمانێ عێراقێ راگەهاند کو هەر لایەنەکێ سیاسی سێ سیڤی بۆ هەر پۆستەکی رادەست کرینە داکو سەرۆکوەزیرانێ نووی ب خوە ئێکێ ژ وان هەلبژیریت ل دویڤ ئاخفتنێن وی پەرلەمانتاری عەلی زەیدی رەت کریە کو چو وەزیرەکێ کابینەیا سودانی د حکومەتا نووی دا هەبیت و ئەڤێ یەکێ ژی هندەک ئاریشە د پێکئینانا کابینەیێ دا دروست کرینە دووبەردانی ئاماژە ب وێ یەکێ ژی کر ئەگەر لایەنێن سیاسی بگەهنە رێککەفتنێ دێ ل سێشەمبی یان چارشەمبی دانیشتنا پەرلەمانی هێتە ئەنجامدان بەلێ ئەگەر ئاریشە درێژ ببن رەنگە پرۆسە بکەڤیتە پشتی جەژنا قوربانی چونکی بەشەکێ زۆر یێ پەرلەمانتاران دێ چنە حەجێ و ئەڤە ژی مەترسیێ ل سەر ماوێ دەستووری یێ پێکئینانا حکومەتێ دروست دکەت کو بتنێ ٣٠ رۆژ د دەستێن عەلی زەیدی دانە بۆ وەرگرتنا متمانەیا پەرلەمانی