ئەمین ناسر سەرۆکێ جێبەجێکارێ کۆمپانیا ئارامکۆیا سعوودی هوشداریێ ددەت کو جیهانێ د ماوێ دوو هەیڤێن بوری دا نێزیکی ملیارەک بەرمیلێن نەفتێ ژ دەست داینە و بازاڕێن وزەیێ د قەیرانەکا دژوار دانە ئەڤ لێدوانێن سەرۆکێ ئارامکۆ پشتی وێ یەکێ دهێن کو کۆمپانیێ راگەهاند قازانجێن وێ د چارەگێ ئێکێ یێ سالا 2026ێ دا ب رێژەیا 25٪ بلند بووینە سەرەڕای وان فشارێن مەزن یێن کو سیستەمێ وزەیێ ل جیهانێ تێدا دەرباز دبیت ئەمین ناسر ئاشکرا کر کو دابینکرنا وزەیێ کەفتیە بن فشارەکا توند ژ بەر داخستنا گەرووێ هورمز ژ لایێ ئیرانێ ڤە و ئەڤە ژی بوویە ئەگەرێ پەککەفتنا لۆبزینا کەشتیان و بلندبوونا بهایێن نەفت و گازێ پشتی شەڕێ د ناڤبەرا ئەمریکا و ئیسرائیل و ئیرانێ دا روودای سەرۆکێ جێبەجێکارێ ئارامکۆ زێدەتر روون کرەڤە کو تەنانەت ئەگەر رێڕەوێن ئاڤی ژی بهێنە ڤەکرن دێ ب زەحمەت بیت بازار زوو بزڤریتە دۆخێ ئاسایی چونکی جیهان ژ ملیارەک بەرمیلێن نەفتێ بێبەش بوویە و کێمیا وەبەرهێنانێ د سالێن بوری دا فشارێن سەر کۆگەهێن جیهانی گەلەک خرابتر کرینە کو ئەڤە وەک مەترسیەکا مەزن ل سەر ئاسایشا وزەیێ ل هەموو جیهانێ دهێتە هەژمارتن
