نرخێ گەنمی ل ئەمریکا ب رەنگەکێ بەرچاڤ بلند بوو ئەڤە ژی پشتی بلندبوونا نرخێ نەفتێ و پەیدابوونا مەترسیێن کێمبوونا بەرهەمی ژبەر حشکەسالیێ و سەرمایا دژوار ل وان دەڤەرێن گەنمێ زستانی تێدا دهێتە چاندن
ئاژانسا رۆیتەرز بەلاڤ کر کو زێدەبوونا ئالۆزیان ل رۆژهەلاتێ ناڤین و بلندبوونا نرخێ نەفتێ بوویە ئەگەرێ هندێ کو داخواز ل سەر کڕینا گەنمی زێدە بیت چونکی بازرگان ترس ژ تێکچوونا رەوشا ئاسایشا خوارنێ هەیە ل دەمێ جەنگی دا
ب گۆری ئامارێن بۆرسەیا شیکاگۆ نرخێ گەنمی بۆ مەها تیرمەها بهێت گەهشتە 6 06 دۆلاران بۆ هەر رەبعەکا گەنمی هەڤدەم ل بۆرسەیا یۆرۆنێکست ل پاریس نرخێ گەنمێ هاریایی بۆ مەها گولانا بهێت ب رێژەیا 1 1 زێدە بوو و گەهشتە 193 50 یۆرۆیان بۆ هەر تۆنەکێ
ئێک ژ بازرگانێن گرێبەستێن داهاتی راگەهاند کو د نوکە دا دوو فاکتەرێن سەرەکی پشتەڤانیێ ل بلندبوونا نرخێ گەنمی دکەن ئەو ژی سەقا و جەنگن هەروەسا ئاماژە ب وێ یەکێ هاتیە کرن کو حشکەسالی ل ناڤەڕاستا ئەمریکا و سەرمایێ کاریگەری ل سەر بەرهەمی هەبوویە هەرچەندە پێشبینی دهێتە کرن ل دویماهیا ڤێ حەفتیێ باران بباریت و تا رادەیەکی رەوش باشتر لێ بهێت
ژ لایەکێ دی ڤە پێشبینی دهێتە کرن وەلاتێ مەغریب کو کڕیارەکێ سەرەکی یێ گەنمێ ئێکەتیا ئەوروپایە ژبەر باشبوونا بەرهەمێ ناڤخۆیی و گەهشتن ب ئاستێ خۆبژێویێ ل مەها حوزەیرانێ یان تیرمەهێ هاوردەکرنا گەنمی راوەستینیت ئەڤێ یەکێ ژی وایە کریە کو ئاستێ بلندبوونا نرخان ل ئەوروپا تا رادەیەکی سنووردار بیت