 ئەڤرۆ پێنجشەمبی ١٦ێ نیسانا ٢٠٢٦ێ رەوانەکرنا ئێکەم بارێ نەوتا عیراقێ ل بەندەرێ بانیاس ب کەشتیێ راگەهاند){kind=link}
کۆمپانیا بەبازارکرنا نەوتا عیراقێ (سۆمۆ) ئەڤرۆ پێنجشەمبی ١٦ێ نیسانا ٢٠٢٦ێ رەوانەکرنا ئێکەم بارێ نەوتا عیراقێ ل بەندەرێ بانیاس ب کەشتیێ راگەهاند. ئەڤە ب مەرەما هنارتنا وێ یە بۆ بازارێن ئەوروپا. هەروەسا دووپات ل سەر هەولێن وان کر بۆ دیتنا دەرگەهێن دی ب مەرەما بلندکرنا ئاستێ هنارتنا نەوتا عیراقێ.
عەلی نزار رێڤەبەرێ گشتیێ کۆمپانیێ د داخۆیانیەکا رۆژنامەڤانی دا گۆت. ئەڤرۆ ئێکەم بارێ نەوتا رەشا عیراقێ هاتە بارکرن ل سەر کەشتیەکێ کو بەری نوکە ل پاڵاوگەها بانیاس ل سووریا هاتبوو ڤەگوهاستن. نەوت ل دەریایا ناڤەراست هاتە بارکرن دا بگەهیتە دەستێ بکارئینەران و پاڵاوگەهێن ئەوروپا ل وێ دەڤەرێ.
ئاماژە ب وێ چەندێ ژی کر. ئەڤ پێنگاڤە گەلەک یا گرنگە بۆ ڤەکرنا رێبکا نوی یا بازارکرنێ کو دشێن ل پاشەرۆژێ مفای ژێ وەربگرن. هەروەسا بۆ دەمێ نوکە د ڤێ قەیرانێ دا یا ب بایەخە.
رێڤەبەرێ گشتیێ سۆمۆ دووپات کر. کۆمپانیا وان بتنێ ل سەر ڤێ پێنگاڤێ ناوەستیت. بەلکو هەولەکا مەزن ژ لایێ کۆمپانیێ ڤە دهێتە دان بۆ بلندکرن و زێدەکرنا ئاستێ هنارتنا عیراقێ. سەرەرای هەمی وان ئاستەنگێن لۆجستی و هونەری و ئەمنی یێن کو دبنە رێگر ل هەمبەر ڤێ دەستکەفتی.
ئەڤە د دەمەکێ دایە ئاژانسا نووچەیان یا فەرمی یا سووریا سانا بەلاڤکریە. کۆمپانیا نەوتا سووریا دەست ب بارکرنا ئێکەم کاروانێ نەوتا رەشا عیراقێ ل بەندەرێ بانیاس کریە. ئەڤە وەک بەرهەڤیەک بۆ هنارتنا وێ ب رێکا کەشتیەکا تایبەت.