بهایێ سوتەمەنیێ ل هەرێما کوردستانێ دادکەڤیت

ژبەر راوەستیانا هێرشێن درۆنی بۆ سەر دامەزراوێن نەوتی رێڤەبەریا نەوت و کانزایان ل هەولێرێ مژدێ ل سەر داکەفتنا بهایێ سوتەمەنیێ ل بازاڕێن هەرێما کوردستانێ ددەت سالار محەمەد بەرپرسێ پشکنینێ ل رێڤەبەریا نەوت و کانزایان ل هەولێرێ ئەڤرۆ رۆژا شەمبی یازدەی نیسانا دوو هزار و بیست و شەش د لێدوانەکا تایبەت دا بۆ کوردستان بیست و چوار راگەهاند بەردەوامبوونا سەقامگیریێ و راوەستیانا هێرشێن درۆنی بۆ سەر کێلگەیێن نەوتێ و پالاوتگەهان کارتێکرنەکا ئەرێنی و مەزن ل سەر داکەفتنا بهایێ سوتەمەنیێ دێ هەبیت ئاماژە ب وێ ژی کر ئەگەر ئەڤ رەوشە د چەند رۆژێن بهێت دا بەردەوام بیت خستنەڕوویا سوتەمەنیێ د بازاڕان دا دێ زێدە بیت و ئەڤ چەندە دێ بیتە ئەگەرێ هندێ کو بهایێن نەوت و غازێ داکەفتنێ ب خۆ ڤە ببینن و بزڤرن بۆ ئاستێ ئاسایی یێ جاران