گۆتۆبێژێ فراکسیۆنا پارتی ل پەرلەمانێ عێراقێ راگەهاند کو هەولێر و بەغدا رێککەفتینە کو پێنجی ژ سەدێ یێ داهاتێ ناوخۆ یێ هەرێما کوردستانێ بۆ بەغدا بهێتە هنارتن و د هەمان دەم دا شاندێ هەرێمێ و حکومەتا فیدرال ل سەر یەکخستنا سیستەمێ گومرگی یێ ئەسیکۆدا گەهشتینە رێککەفتنەکا دەستپێکی
دانەر عەبدولغەفار گۆتۆبێژێ فراکسیۆنا پارتی ل پەرلەمانێ عێراقێ راگەهاند کو بڕێ داهاتێ ناوخۆ یێ هەرێمێ رێککەفتن ل سەر هاتیە کرن دا کو نیڤا وی داهاتی بۆ بەغدا بهێتە رەوانە کرن و گۆت ژی کو ژ بەر بارودۆخێ شەری داهاتێ هەرێمێ و بەغدا کێم بوویە و وان ژی رەچایا ڤێ رەوشێ کریە
گۆتۆبێژێ فراکسیۆنا پارتی ئاماژە ب وێ یەکێ ژی کر کو رێکار ب دوماهی هاتینە و بزاڤ دهێنە کرن ئەڤ رێککەفتنە هەتا دەمێ دەنگدان ل سەر بودجەیا ساڵا دوو هزار و بیست و شەش ببیتە ئەگەرێ هندێ کو چو کێشە بۆ مووچەیێ هەرێما کوردستانێ دروست نەبن
ل دویف زانیاریان نوکە حکومەتا بەغدا و شاندەکێ بلند یێ هەرێما کوردستانێ د کۆمبوونێ دانە بۆ راگەهاندنا بڕیارا دوماهیێ دەربارەی رێککەفتنا هەردو ئالیان ل سەر سیستەمێ ئەسیکۆدا بۆ یەکخستنا گومرگی کو هەتا نوکە نۆت ژ سەدێ یێ رێککەفتنێ هاتیە ب دوماهی ئینان لێ شاندێ هەرێمێ هێشتا رەزامەندیا کۆتایی ل سەر هەمی وردەکاریان نەدایە
شاندێ هەرێما کوردستانێ ژ سکرتێر و سەرۆکێ دیوانا جڤاتا وەزیران و نوێنەرێ هەرێمێ ل بەغدا و راوێژکارێن وەزارەتا دارایی و سەرۆکێن ژوورێن بازرگانی یێن هەولێر و سلێمانی و دهۆک و هەلەبجە پێکهاتیە
پێشتر ل رۆژا دووشەمبی جڤاتا وەزاری بۆ کاروبارێن ئابووری ب سەرۆکایەتیا فوئاد حوسێن جێگرێ سەرۆکوەزیران کۆم ببوو و تێدا دیار کر کو عێراق ژ بەر شەری ل دەڤەرێ روو ب روو ئاستەنگێن ئەمنی و ئابووری بوویە و بڕیار هاتە دان کو شاندەکێ تەکنیکی یێ گومرگا هەرێمێ و وەزارەتا دارایی یا فیدرال کۆم ببن بۆ یەکخستنا رێکاران و بڕیارە ل هەفتیا بهێت راپۆرتا کۆتایی بهێتە پێشکێش کرن