کارگێڕیا زانیاریێن وزەیا ئەمریکا راگەهاند کو تەنانەت پشتی ڤەکرنا تەنگا هورمز ژی رەنگە بهایێ سوتەمەنیێ بۆ چەند هەیڤێن دی یێ بلند بمینیت و ئەڤ یەکە ژی پێچەوانەی وان دڵنیاییانە یێن کو دۆناڵد ترەمپ سەرۆکێ ئەمریکا دابوون کو دگۆت پشتی ب دوماهی هاتنا شەری د گەل ئیرانێ دێ بها دەستبەجێ دابەزن و ئەڤ بەرزبوونە یا کاتی یە
پشکا ئامارێ ل وەزارەتا وزەیا ئەمریکا د نووترین راپۆرتا خۆ دا پێشبینی دکەت کو بهایێ نەفتا خاڤا برێنت ئەڤ ساڵە ب تێکڕا دێ گەهیتە نۆت و شەش دۆلاران بۆ هەر بەرمیلەکێ د کاتەکێ دا پێشتر پێشبینی دکر حەفتێ و هەشت پۆینت هەشتا و چار دۆلار بیت و پێشبینی دکەت کو بهایێ بەنزین و گازوایلێ ژی د بەرزبوونێ دا بەردەوام بن
وەزارەتا وزەیا ئەمریکا دیار کر کو ڤەگەراندنا تمامیا هنارتنا نەفتێ ب رێکا تەنگا هورمز دێ چەند هەیڤان ڤەکێشیت تەنانەت پشتی ئاگر بەستێ ژی و ئەڤ یەکە دێ بها یێ بلند هێلیت هەتا کو هنارتن ب تەمامی دەستپێدکەتەڤە و بەرهەمئینەرێن رۆژهەڵاتا ناڤەڕاست ڤەدگەرنە سەر ئاستێ بەرهەمێ خۆ یێ ئاسایی
کارگێڕیا زانیاریێن وزەیا ئەمریکا دبێژیت هەروەک چەوا مە پێشتر چو جاران دائێخستنا ڤێ تەنگێ نەدیتبوو ڤەکرنا وێ ژی مە نەدیتیە لەوما هێشتا نزانین ڤەکرن دێ چەوا بیت و چ کاریگەری دێ هەبن و وەزارەتا وزێ پێشبینی دکەت کو ئەو گۆمانێن ل سەر پچراندنا دابینکرنا نەفتێ د پاشەڕۆژێ دا دێ بها ل سەرووی ئاستێ بەری شەری یێ بلند هێلن