بادینان دەیلی
ل دویڤ ئاخفتنێن لایەنێن پەیوەندیدار بۆ ڕووداو بهایێ لترەکا بەنزینا نۆرماڵ ل هەولێرێ نێزیکی سەد دیناران داکەفتییە و ل سلێمانیێ وەک خۆ مایە جەنگی مەجید سەرۆکێ ئەنجوومەنێ بەنزینخانەیێن هەولێرێ ئەڤڕۆ سێشەمبی ڕاگەهاند کو ئەڤڕۆ بهایێ لترەکا بەنزینا نۆرماڵ ب کۆ هەشتسەد و پێنجی دینارە
ل دویڤ گۆتنێن جەنگی مەجید ل بەنزینخانەیێن هەولێرێ لترەکا نۆرماڵ ب هەشتسەد و نۆت دیناران ددەنە شۆفێران د دەمەکێ دا ل ڕۆژێن دەربازبووی بهایێ وێ د ناڤبەرا نۆتسەد و هەشتێ بۆ نۆتسەد و نۆت دیناران دا بوو سەرۆکێ ئەنجوومەنێ بەنزینخانەیێن هەولێرێ ئاماژە ب وێ چەندێ ژی کر کو ئەگەر هندەک بەنزینخانە ژ بەر بەنزینا خۆ یا بەری نوکە بها دانەخستبن د ڕۆژێن بهێت دا ئەو ژی دێ بها کێم کەن
جەنگی مەجید گۆت ئەگەرێ داکەفتنا بهایێ بەنزینێ دەستپێکرنا دابەشکرنا بەنزینا حکومی یە ب حەفتسەد و پێنجی دیناران کو بۆ دەمەکێ دابەشکرنا وێ هاتبوو ڕاوەستاندن و ژ بەر وێ یەکێ داخواز ل سەر بەنزینا بازرگانی زێدە ببوو هەروەسا بەهمەن شێخ قادر پەیڤدارێ بەنزینخانەیێن سلێمانیێ ئەڤڕۆ سێشەمبی ڕاگەهاند کو نێزیکی هەیڤەکە بهایێ بەنزینێ ل سلێمانیێ یێ جێگیرە و چو گۆڕانکاری تێدا نەهاتینە کرن
ئەڤڕۆ ل سلێمانیێ بهایێ لترەکا بەنزینا نۆرماڵ نۆتسەد و حەفتێ و پێنج دینارە و لترەکا موحەسەن ب هزار و سەد و حەفتێ و پێنج دینارانە و سوپەر ژی ب هزار و سێسەد و بیست و پێنج دینارانە پەیڤدارێ بەنزینخانەیێن سلێمانیێ گۆت ل سلێمانیێ ژی وەک هەولێرێ ڕۆژانە بەنزینا حکومی دهێتە دابەشکرن و لتر ب حەفتسەد و پێنجی دینارانە ژ بەر شەڕێ ئەمریکا و ئیسرائیل دگەل ئێرانێ بهایێ سووتەمەنیێ و ژ وان ژی بەنزین ل هەرێما کوردستانێ ژی وەک وەلاتێن جیهانێ گۆڕانکاری ب سەر دا هاتینە