بادینان دەیلی
بڕیارە ئەڤرۆ شاندەکێ بلند یێ حکومەتا هەرێما کوردستانێ سەردانا بەغدا بکەت و د گەل حکومەتا فیدرال چەند مژارێن گرنگ یێن دارایی و بودجەیی گۆتوبێژ بکەت.
شێروان دووبەردانی، ئەندامێ پەرلەمانێ عێراق ل فراکسیۆنا پارتی راگەهاند؛ ئەڤرۆ ئێکشەمبی (٥ی نیسانی ٢٠٢٦)، شاندەک ب سەرۆکاتیا دکتۆر ئومێد سەباح، سەرۆکێ دیوانا ئەنجومەنێ وەزیران دێ چیتە بەغدا. هەروەسا دیار کر کو کۆبوونەوە دێ ب سەرپەرشتیا فوئاد حوسێن، جێگرێ سەرۆکوەزیران و وەزیرێ دەرڤە یێ عێراقێ هێتە ئەنجامدان.
ئەڤ سەردانە د دەمەکێ دایە کو حکومەتا هەرێمێ هەمی ئەرک و پابەندیێن خۆ یێن دەستووری بجهئیناینە، لێ حکومەتا عێراقێ ب ئەگەرێن جودا شایستەیێن دارایی یێن خەلکێ هەرێمێ درەنگ دهنێریت و ئارمانجا شاندی ئەوە کو چارەسەریەکا دوماهیێ بۆ ڤێ کێشەیێ ببینن.