بادینان دەیلی:
یاریزانێن هەلبژاردەیا عێراقێ یا تەپاپێی بەردەوامن ل سەر ڕاهێنان و خۆ ئامادەکرنێ بۆ یارییا خۆ یا چارەنڤیسساز بەرامبەر بۆلیڤیایێ ل قۆناغا دوماهیێ یا پاشکۆیا مۆندیالا 2026. بڕیارە ئەڤ یارییە بەرەبەیانیا ڕۆژا چوارشەمبییا بهێت ل وڵاتێ مەکسیک بهێتە ئەنجامدان.
ڤەگەران بۆ ئاخا مەکسیک:
هەلبژاردەیا عێراقێ نێزیکی 40 سال بەریا نوکە، و بۆ ئێکەمجار ل مۆندیالا 1986ێ ل مەکسیک بەشداری کربوو. نوکە ژی عێراقی ب ڕاهێنەرایەتییا “گراهام ئارنۆڵد”ێ ئۆسترالی و ب پشتبەستن ب حەفت یاریزانێن کورد، ئارمانجا وان ئەوە جارەکا دی ل هەمان وڵات (مەکسیک) بگەهنە مۆندیالێ.
ڕێکا گەهشتنێ بۆ مەکسیک:
سەرەرای بارودۆخێ ب زەحمەت یێ دەڤەرا مە، شاندا هەلبژاردەیا عێراقێ ب ڕێکا عەمانا پایتەختێ ئوردنێ گەهشتە مەکسیک. نوکە تیم ل باژێرێ “مۆنتێری” مژوولی دویەم یەکەیێن ڕاهێنانێ نە دا کو ب تمامێ خۆ بۆ ڕووبەڕووبوونا بۆلیڤیایێ ئامادە بکەن.
دەرفەتا دوماهیێ:
شێرێن رافیدەین نوکە بتنێ ئەڤ چانسە یێ مای، دا کو خەونا خۆ یا 40 سالی بکەنە ڕاستی. ئەگەر د ڤێ یارییێ دا سەرنەکەڤن، چ هیڤییەک بۆ گەهشتن ب مۆندیالا 2026 نامینن و دێ ناچار بن چار سالێن دی چاڤەڕێ بکەن. عێراقێ نەشیا د قۆناغێن بۆری دا ئێک ژ هەشت بلیتێن ڕاستەوخۆ یێن کیشوەرێ ئاسیایێ ب دەست ڤە بینیت، لەوما نوکە ل قۆناغا پاشکۆیێ بزاڤا دوماهیێ دکەت.
دەمێ یارییێ:
بەرەبەیانیا ڕۆژا چوارشەمبییا ئەڤێ حەفتییێ، دەمژمێر 06:00ێ سپێدێ ب وەختێ هەولێرێ، عێراق دێ ڕووبەڕووی بۆلیڤیایێ بیت. سەرکەفتیێ ڤێ یارییێ دێ ڕاستەوخۆ بلیتا مۆندیالا 2026 ب دەست ڤە ئینیت.