بادینان دەیلی:
هەلبژاردەیا فەرەنسا د دویەم یارییا خۆ یا دۆستانە و ئامادەکاریێ دا، ئەڤشەو دەمژمێر 10:00 ب وەختێ هەولێرێ، دێ ڕووبەڕووی هەلبژاردەیا کۆلۆمبیا بیت.
دوماهیک ئامادەکاری ل ئەمریکا:
هەلبژاردەیا فەرەنسا ب سەرکردایەتییا “کیلیان ئێمباپێ”، پشتی کو د یارییا ئێکێ دا ب ئەنجامێ (2-1) ل بەرازیل بری، ئەڤشەو دێ یارییا خۆ یا دویەم ل ئەمریکا ئەنجام دەت. پشتی ڤێ یارییێ، یاریزان دێ کۆتاییێ ب ئەرکێ خۆ یێ نیشتمانی ئینن و ڤەگەرنە ناڤ یانەیێن خۆ.
فەرەنسا د مۆندیالا 2026 دا:
د مۆندیالا بهێت دا، فەرەنسا د کۆمهەڵا هەشتێ دا یە و دێ ڕووبەڕووی هەلبژاردەیێن (سەنیگال، نەرویج، و سەرکەفتیێ پاشکۆ) بیت.
ئاخفتنێن دیدیێ دێشامب:
بەری یارییا ئەڤشەو، دیدیێ دێشامب ڕاهێنەرێ فەرەنسا ڕاگەهاند کو ئارمانجا وان ژ ڤان یارییان ئامادەکارییەکا تۆکمەیە بۆ مۆندیالێ. دێشامب گۆت:
“کۆلۆمبیا هەلبژاردەیەکا ب هێزە و خودان هێرشبەرێن لێهاتییە، پێدڤییە ئەم ئاستەکێ بەرز نیشان بدەین. ئارمانجا مە ئەوە شیانێن یاریزانێن خۆ هەلسەنگێنین.”
هەروەسا زێدەتر گۆت: “د مۆندیالێ دا سێ یارییێن گرنگ ل پێشیا مە نە. دڤێت هەر سێ یارییان ببەین دا کو ب دلەکێ پڕ باوەر بەرەڤ قۆناغێن دی بچین. ئەز باوەریا تمام ب یاریزانێن خۆ هەیە کو دێ د مۆندیالا 2026 دا ئەنجامێن مەزن بەدەست ڤە ئینن.”