بادینان دەیلی:
بهایێ زێڕی ل بازارێن جیهانێ ب رێژەیا زێدەتر ژ ٢٪ بلند بوو، ئەڤە ژی پشتی دابەزینا بهایێ دۆلاری و کێمبوونا مەترسییێن هەلاوەسانێ (تەزەخوم) ژ ئەگەرێ دابەزینا بهایێ نەفتێ بۆ بن ١٠٠ دۆلاران دهێت.
ئەڤرۆ چارشەمبی ٢٥ێ ئادارا ٢٠٢٦ێ، د مامەلەیێن بلەز دا، بهایێ هەر ئۆنسەیەکا زێڕی ب رێژەیا ٢.١٪ بلند بوو و گەهشتە ٤,٥٦٨.٢٩ دۆلاران. هەروەسا د گرێبەستێن پاشئێخستی یێن ئەمریکادا ژی، بهایێ زێڕی ب رێژەیا ٣.٨٪ بلند بوو و گەهشتە ٤,٦٠٤.٣٢ دۆلاران.
ئەگەرێ سەرەکی یێ ڤێ بلندبوونێ بۆ دابەزینا بهایێ دۆلاری ڤەدگەریت، کو بوویە ئەگەر کڕینا زێڕی بۆ خوەدانێن دراڤێن دی ئەرزانتر بیت و خواست ل سەری زێدە ببیت. هەڤدەم دابەزینا بهایێ نەفتێ بۆ خوار ١٠٠ دۆلاران، پشتی بەلاڤبوونا ڕاپۆرتێن دەربارەی پلانەکا ١٥ خالى یا ئەمریکا بۆ ب دوماهی ئینانا شەڕی ل ڕۆژهەلاتا ناڤین، گوشارێن هەلاوەسانێ کێمکرینە.
ژ لایەکێ دی ڤە، دۆناڵد ترەمپ، سەرۆکێ ئەمریکا ئاماژە ب وێ چەندێ کرییە کو پێشکەفتن د دانوستاندنێن ل گەل ئیرانێ دا هەیە، ب تایبەتی د پرسێن گرێدای ب وزێ و گەروویێ هورمز، لێ هویرکاریێن زێدەتر ئاشکرا نەکرینە.
دەربارەی کانییێن دی یێن گرانبەها، بهایێ زیڤی ب رێژەیا ٣.٨٪ بلند بوو و گەهشتە ٧٣.٩٤ دۆلاران، پلاتین ٢.٦٪ بلند بوو و گەهشتە ١,٩٨٤.٠٥ دۆلاران، هەروەسا پالادیۆم ژی ب رێژەیا ١.٥٪ بلند بوو و گەهشتە ١,٤٦١.٧٥ دۆلاران.
بادینان دەیلی | ٢٠٢٦
