گورزەکێ دی یێ ب ئێش ل ریال مەدرید کەفت؛ ئەنچێلۆتی د تەنگاڤیەکا مەزن دایە.

بادینان دەیلی – وەرزش

یانەیا ریال مەدرید یا ئیسپانی د ڕەوشەکا گەلەک نەخۆش دا دەرباز دبیت، پشتی کو گورزەکێ دی یێ ب ئێش و کوشندە ب بەر کەفتی و چەندین یاریزانێن سەرەکی ژبەر پێکانێن دژوار ل یاریگەهان دوورکەفتین.

نەخۆشیا پێکانان بەردەوامە
د دوماهی یاریا خوە دا بەرامبەر ئۆساسۆنا، سەرەڕای سەرکەفتنا مەزن، لێ ریال مەدرید باجەکا گران دا. ئیدێر میلیتاو، بەرگریکارێ بەرازیلی، تووشی پێکانەکا دژوار بوو (پچڕانا بەستەرێ خاچی – ACL)، کو ب ڤێ چەندێ وەرزێ وی ب تەمامی ب دوماهی هات. ئەڤە د دەمەکێ دایە کو تیما شاهانە پێدڤیەکا زۆر ب هێزا بەرگریێ هەبوو.

نەک بتنێ میلیتاو!
جگە ژ میلیتاوی، هەردوو یاریزانێن دی (رۆدریگۆ و لوکاس ڤازکێز) ژی تووشی پێکانێ بوون و بۆ ماوەیەکێ درێژ دێ ژ یاریگەهان دوورکەڤن. ئەڤە ژی بارێ گرانێ ڕاهێنەر کارلۆ ئەنچێلۆتی گرانتر لێ دکەت، ب تایبەت کو بەریا نوکە ژی یاریزانێن وەک دانی کارڤاخال و تیبۆ کۆرتوا و دەیڤید ئالابا د لیستەیا برینداران دا بوون.

ئەنچێلۆتی د تەنگاڤیێ دا
نوکە ئارێشەیا مەزن یا ریال مەدرید د هێلا بەرگریێ دایە. ڕاهێنەرێ ئیتالی چ بژاردەیێن زۆر ل بەر دەست نینن و دبیت د مێرکاتۆیا زستانێ دا یانە نەچار ببیت یاریزانێن نووی بکڕیت، یان ژی پەنایێ بباتە بەر یاریزانێن لاوێن یانەیێ (کاستیا) بۆ پڕکرنا ڤێ بۆشاییێ.

جەماوەر د نیگەرانن
جەماوەرێ مەدریدی ل سەرانسەری جیهانێ و ب تایبەت ل کوردستانێ، ب نیگەرانی ڤە سەیری ڤێ ڕەوشێ دکەن. پرسیار ئەوە: ئایا ریال مەدرید دێ شێت ب ڤان هەمی پێکانان ڤە رکابەریێ ل سەر ناسناڤێن لالیگا و چامپیۆنز لیگێ بکەت، یان ژی ئەڤ وەرزە دێ بۆ وان بیتە وەرزێ خەونێن ژدەستدایی؟