بابەتێ پشکداریا هەلبژاردەیێ ئیرانێ د مۆندیالا ٢٠٢٦ێ دا بوویە پرسەکا گەرم د میدیایێن جیهانێ دا، ب تایبەت پشتی داخۆیانیێن دۆناڵد ترەمپ و سەرۆکێ فیدراسیۆنا ئاسیایێ. ژ لایەکێ دی ڤە، سەرۆکێ تەپەپێیا ئاسیایێ ڕاگەهاند کو ئەگەر ئیران ژ مۆندیالێ ڤەکێشیت، هەلبژاردەیێ ئیماراتێ دێ جهێ وێ گریت نەک عیراق.
شێخ سەلمان عیراقیان بێهیڤی دکەت
شێخ سەلمان بن ئیبراهیم، سەرۆکێ فیدراسیۆنا تەپەپێیا ئاسیایێ، د چاڤپێکەفتنەکێ دا دیار کر کو ئەگەر ئیران ژ مۆندیالا ٢٠٢٦ێ بکێشیت، ئیمارات دێ بیتە جهگر. سەدەم ژی بۆ وێ چەندێ ڤەگێڕا کو ئیمارات د قۆناغا کۆمەلان دا د هەمان کۆمەڵەیا ئیرانێ دا بوو و پلەیا سێیێ بدەستڤە ئینابوو.
ئەڤە د دەمەکێ دایە کو هەلبژاردەیێ عیراقێ یێ پلەیا سێیێ د کۆمەڵەیا دووێ دا، بڕیارە ل ٢٩ێ ڤێ مەهێ ل مەکسیک یارییا “پلەی ئۆف” بەرامبەر براوەیێ یارییا (بۆلیڤیا و سۆرینام) ئەنجام بدەت.
دۆناڵد ترەمپ و سەرۆکێ فیدراسیۆنا ئیرانێ چ دبێژن؟
دۆناڵد ترەمپ، سەرۆکێ ئەمریکا، ڕاگەهاند کو بۆ وی گرنگ نینە ئیران پشکدار دبیت یان نە، و گۆت: “ئیران وەلاتەکێ شکەستییە و دێ باجەکا گران دەت.”
ژ لایێ خۆ ڤە، مەهدی تاج، سەرۆکێ فیدراسیۆنا تەپەپێیا ئیرانێ، بێ ئۆمێدیا خۆ دیار کر و ڕاگەهاند کو چو هیڤیەکا وان ب مۆندیالا بهێت نینە و بڕیارا دوماهیێ د دەستێ بەرپرسێن بلند یێن وەلاتێ وی دایە.
