گەنج و خودانێن هۆلێن شهیانان ژی ڤێ ئاریشێ پشتڕاست دکەن. نها داخوازەکا فەرمی گەهشتیە جڤاتا ڕۆحانی یا ئێزدیان دا کو چارەسەریەکێ بۆ ڤێ ئاریشێ ببینن، یان ب کێمکرنا ڕێژا زێڕی یان ژی ب دیارکرنا کۆژمەکێ پارەیێ جێگر. نوینەرێ جڤاتا ڕۆحانی ژی دبێژیت کو ئەڤ بابەتە د ژێر لێکۆلینێ دایە و ل هیڤیا جێگیربوونا بازارینە، ئەگەرنا دێ بڕیارەکا نوو ل بەرژەوەندیا خەلکی دەرکەڤیت. ل گۆرەی دابونەریتێن ئێزدیان، مارەییا کچێ ٤٠ مسقالێن زێڕی نە، و ژ بەر بلندبوونا بهایێ وی، بوویە بارەکێ گران لسەر ملێن گەنجان. ڤێ چەندێ ژی کاریگەریەکا نەرێنی کریە و ڕێژا هەڤژینیێ ب ڕەنگەکێ بەرچاڤ کێم بوویە.