- راگەهاندنەک ژ رێڤەبەرییا گشتی یا ساخلەمییا دهۆکێ ل دۆر رەوشا گولێ یا بیرکۆل:
رێڤەبەرییا گشتی یا ساخلەمییا دهۆکێ راگەهاندنەک ل دۆر رەوشا گولێ یا بیرکۆل بەلاڤکرن و تێدا دیارکرییە کو چارەسەرییا وێ دهێتە کرن و د بن چاڤدێرییا نۆشداران دایە.
د راگەهاندنێ دا هاتییە، گولێ بۆ دەمێ 8 هەیڤانە ل نەخۆشخانا ئازادی دژیت. بەری 20 رۆژان تووشی رویدانەکا ترافیکی ببوو و هەردو پێیێن وی شکەستبوون و ل نەخۆشخانا ئازادی نشتەرگەری بۆ هاتییەکرن و رادەستی مالباتا وێ هاتبووکرن. لێ ژبەر هەر ئەگەرەکی بیت مالباتا وێ پشتی دو رۆژان ڤەگەراندییە نەخۆشخانێ و بێی کو چاڤێ خۆ بدەنێ.
هەروەسا راگەهاندیە، کو شڤێدی گولێ ل رەدها نشتەرگەرییان خۆ پیس کربوو و بێهنەکا نەخۆش ل ناڤا ژۆرێن نەخۆشان بەلاڤبوو و د هەمان دەم دا دەنگ و قێژییێن وێ بلندبوون و خواست ببەنە دەرڤە. ل دویڤ گازییا وێ هندەک کەس و کارێن وێ دبەنە پارکەکا نەخۆشخانێ داکو ئارام ببیت و نوکە ژی د بن چاڤدێرییا ستاف و تیمێن نۆشداران دایە.
دو کارمەندێن کچ رۆژنە پاقژ دکەن و جلوبەرگێن وێ دگوهۆڕن و چ کەس و کارێن وێ د هاریکار نینن. شڤێدی وەسا بەلاڤببوو کو گولێ هاتییە دەرئێخستن، بەلێ راستی د وێ چوندێ دا نینە و بەروڤاژی نوکە گولێ ل نەخۆشخانێ یە و چارەسەرییێ وەردگریت.
