سەرۆک دیوانە حکومەتا هەرێما کوردستانێ بریاردا کوو پارچە زەڤی سەر هەمیی ئەو فەرمانبەرێت
د نڤیسارا فەرمی یا دیوانا جڤاتا وەزیرێن هەرێما کوردستانێ دا هاتییە کو ئیمزایا د، ئۆمێد سەباح، سەرۆکێ دیوانێ ل سەرە، هەمی فەرمانبەرێن گرێبەست یێن خزمەتا وان ژ 8 سالان کێمتر نەبیت دێ پارچەزەڤییان وەرگرن.
هەروەسا هاتییە، مەرج و رێکارێن دابەشکرنێ ل گۆرەی هەمان بریارا سالا 2024ێ یە یا دابەشکرنا پارچەزەڤییان ب سەر فەرمانبەران دا.
نڤیسار بۆ وەزارەتا باژێرڤانی و گەشتوگۆزارێ هاتییە هنارتن ب مەرەما هەموارکرنێ و ئەنجامدانا کارێن پێدڤی.
ب بریارا جڤاتا وەزیرێن هەرێما کوردستانێ، هەمی فەرمانبەرێن حکومی یێن پێشتر ژ وەرگرتنا پارچەزەڤییان مفادار نەبووین، دێ پارچەزەڤییان وەرگرن، تانوکە گەرا ئێکێ یا پارچەزەڤییان ل سەرانسەری هەرێما کوردستانێ هاتینە دابەشکرن و نوکە کار ل سەر گەرا دوییێ دهێتەکرن.
