کەفتنا کەریم بنزیمەی ژ یاریگەهان ڕادگەهینیت
یانەیا هیلالا سعوودی، د بەیاننامەیەکا فەرمیدا ماوەیێ دویرکەفتنا کەریم بنزیمەی ژ یاریگەهان ژبەر پێکانێ (زەحمەتیێ) دیار دکەت.
ب شێوەیەکێ فەرمی یانەیا هیلالا سعوودی ڕاگەهاند، کو پشکنینێن نوژداری بۆ کەریم بنزیمەی، هێرشبەرێ نوی یێ یانەیێ ئەنجام داینە، و دیار بوویە کو تووشی پێکانەکا ماسوولکەیی بوویە. ژبەر ڤێ پێکانێ ژی، هێرشبەرێ فەرەنسی دێ بۆ ماوەیێ دوو حەفتییان ژ یارییان دویرکەفیت.
یاریزانێن پێکرایی یێن هیلالێ
هەروەسا یانەیێ بەحس ل وێ چەندێ کریە، کو نوکە هەر ئێک ژ ناسر ئەلدۆسەری، حەسەن تەمبەکتی، یوسف ئاکچیچەک و محەمەد ئەلروبەیعی پێکان ل دەف هەنە، و هیڤی دخوازن د زویترین دەم دا ڤان پێکانان دەرباز کەن و بزڤرنە ناڤ پێکهاتەیا یانەیێ.
ئامارێن کەریم بنزیمەی دگەل هیلالێ
کەریم بنزیمە د گواستنێن زستانێ دا ژ یانەیا ئیتیحادا سعوودی بەرەڤ یانەیا هیلالێ چوو، دگەل یانەیا خۆ یا نوی پشکداری د سێ یارییان دا کریە، و سێ گۆڵ و سێ ئەسیست (هەڤکاریا گۆلێ) تۆمار کرینە.
