بادینان دەیلى:
ڕێڤەبەریا گشتی یا کەشناسی و بیڤەلەرزەزانی ل هەرێما کوردستانێ، پێشبینییێن سەقای بۆ 48 دەمژمێرێن داهاتی بەلاڤکرن و ڕاگەهاند کو ل هندەک دەڤەران نمە باران دێ بەردەوام بیت و بۆ سوبەهی پلەیێن گەرمێ دێ بەرەڤ بلندیێ چن.
ئەڤرۆ دووشەمبی 16ی ئادارا 2026:
ئەسمانێ هەرێما کوردستانێ ب گشتی دێ د ناڤبەرا عەورێن تەمام و نیڤ عەور دا بیت. ل دەڤەرێن رۆژهەلاتا هەرێمێ (پارێزگەهێن سلێمانی، هەلەبجە و ئیدارهیێن سەربەخۆ یێن ڕاپەرین و سۆران) د گەل ناوچەیێن سنووری یێن باکوور، دابارین ب شێوێ نمە بارانەکا کێم و پچرپچر دێ هەتا دەمێن ئێڤاری بەردەوام بیت، پاشان سەقا دێ بەرەڤ سەقامگیریێ چیت.
- خێراییا بای: د ناڤبەرا 10 – 20 کم/دەمژمێر دا دێ بیت.
- ئاراستەیێ بای: ژ باکوورێ رۆژئاڤا بەرەڤ باکوورێ رۆژهەلات دێ هێتە گوهۆڕین.
- مەودایێ بینینێ: 7 – 9 کم دێ بیت، و ل دەمێ بارانێ دێ بۆ 5 – 7 کم کێم بیت.
بەرزترین پلەیێن گەرمێ یێن پێشبینیکری بۆ ئەڤرۆ:
هەولێر: 17، پیرمام: 14، سۆران: 11، حاجی ئۆمەران: 8، سلێمانی: 15، چەمچەماڵ: 16، دهۆک: 15، زاخۆ: 14، هەلەبجە: 14، گەرمیان: 19 پلەیێن سیلیزی.
سوبەهی سێشەمبی 17ی ئادارا 2026:
ئەسمانێ هەرێمێ ب گشتی دێ عەور بیت، ل دەمێن ئێڤاری دێ گوهۆڕیت بۆ نیڤ عەور و ساهی. ل دەمێن سپێدێ زوو، ئەگەرا دروستبوونا تەمێ (مژێ) هەیە ب تایبەتی ل دەڤەرێن چیایی. پلەیێن گەرمێ ب هەڤبەرکرن د گەل ئەڤرۆ دێ 1 بۆ 2 پلەیان بلند بن.
- خێراییا بای: دێ یا هێمن بیت (5 – 15 کم/دەمژمێر).
- مەودایێ بینینێ: ل سپێدێ زوو 3 – 5 کم دێ بیت و پاشان دێ بلند بیت بۆ 7 – 9 کم.
بەرزترین پلەیێن گەرمێ یێن پێشبینیکری بۆ سوبەهی:
هەولێر: 17، پیرمام: 15، سۆران: 13، حاجی ئۆمەران: 10، سلێمانی: 16، چەمچەماڵ: 17، دهۆک: 16، زاخۆ: 17، هەلەبجە: 15، گەرمیان: 21 پلەیێن سیلیزی.
