چیرۆکەکا مرۆڤایەتی و دیپلۆماسی
شانۆگەری Safe Haven (سەیف هەیڤن) ئێکە ژ شانۆگەریێن مێژوویی و مرۆڤیە کو تیشک ددەتە سەر یەک ژ هەستیارترین قۆناغێن مێژووی نوێی گەلی کورد. ئەڤ شانۆگەریە باس ل هەوڵێن دیپلۆماسیێن پشت پەردە دکەت کو ل ساڵا 1991 دا بۆ پاراستنا ژیانا خەڵکی سڤیل و ڕێگری ژ فاجیعەیەکا مرۆیی هاتن ئەنجامدان.
ئەڤ شانۆگەریە ژلایێ کریس باوەرز، رۆژنامەڤان و دیپلۆماتێ پێشووی بەریتانی هاتیه نووسین؛ نڤیسەری ئەزموونا کارکرنا ل هەرێما کوردستان هەبووە. چیرۆک ڤەتگەریتە بۆ بەهارا 1991، ئەو ماوە ڕژێما بەعس راپەڕینا گەلی کورد ب دڕندانە سەرکوت کر و نێزیکی دوو ملیۆن کورد بوونە ئاوارە و ل دۆخەکێ مرۆییێ زۆر قورسدا ژیان دکر.
ململانێ ل ناڤ وایت هۆڵ
شانۆگەری Safe Haven بتنێ باس ل ئازار و ئاوارەیی ناکەت، بەڵکو بینەر دهێنێتە ناڤ جیهانا بڕیاردان ل شاری لەندەن، تایبەتی ناڤ دامەزراوەی White Hall. ل ڤێ چیرۆکێدا، تیشک ددەیتە سەر خەباتا دوو دیپلۆماتێن بەریتانی کو ب هاوکاری پەنابەرەکێ کورد، هەوڵ ددەن حکومەتا بەریتانی رازی بکەن بۆ دەستوەردانا مرۆیی و ڕاگەیاندنا ناوچەیەکا ئارام (Safe Haven).
نووسەر ل ڤێ شانۆگەریێدا ململانێا ناڤبەرا ئەرکی ئەخلاقی و سیاسەتا واقیعی ب شێوەیەکێ درامایی نیشان ددەت و ڕوون دکەت کو بڕیارێن دیپلۆماسی دکارن ژیانا ملیۆنان مرۆڤ ژ مەترسیا مرنێ پاراستن.
