بادینان دەیلی:
سەرۆکێ لیژنەیێن هەڤپشک یێن قایمقامیا سلێمانیێ ڕاگەهاند، کو ١٠٢ بریکارێن دابەشکرنا بتلێن غازا شل یا مالان ب ئەگەرێ زێدەکرنا بهایێ غازێ هاتینە سزادان، و هندەک ژ وان مۆلەتێن وان هاتینە وەرگرتنەوە.
ئەڤرۆ چارشەمبی ٢٥ێ ئادارا ٢٠٢٦ێ، هیوا سالح سەرۆکێ لیژنەیێن هەڤپشک یێن قایمقامیا سلێمانیێ ڕاگەهاند: “ژبەر گرانفڕۆشیێ و چەندین سەرپێچیێن جودا، مە ١٠٢ بریکارێن فرۆتنا بتلێن غازێ سزادان. سزا ژی جودا جودانە؛ هندەک ژ وان هاتینە غەرامەکرن و هندەکێن دی ژی بڕیارا ساندنا مۆلەتێن وان هاتییە دان.”
سەرۆکێ لیژنەیان ئاشکرا کر کو بهایێ فەرمی یێ ئێک بتلێ غازێ نابیت ژ (٨٥٠٠) دیناران زێدەتر بیت. هەروەسا ڕێنمایەکا نوو بۆ بریکاران دەرکرییە و گۆت: “دڤێت ژ نوکە و پێڤە هەمی بریکار ژمارەیێن تەلەفۆنا خۆ ل سەر بۆردێن خۆ ب دیارکری بنڤیسن و د کارا بن، دا کو وەلاتی بشێن ل دەمێ پێدڤی پەیوەندیێ پێ بکەن.”
ئەڤ پێنگاڤا قایمقامیەتێ پشتی وێ چەندێ دهێت کو د چەند ڕۆژێن بۆری دا کێشەیا کێمییا غازا شل ل سلێمانیێ پەیدا ببوو، لێ ل دویڤ گۆتنا بەرپرسان، نوکە کێشە بەرەو چارەسەریێ دچیت و ڕەوش بەرەو ئاساییبوونێ ڤە دچیت.
بادینان دەیلی | ٢٠٢٦
