بادینان دەیلی:
ئەڤرۆ چارشەمبی، بهایێ زیڤی هاوشێوەیێ کانییێن دی یێن گرانبەها، بەردەوام بوو د بلندبوونا خۆ دا و بهایێ هەر ئۆنسەیەکا ڤی کانییێ سپی گەهشتە ٧٣ دۆلاران.
د ماوێ سێ ڕۆژێن بۆری دا، بهایێ زیڤی ژ ٦٣ دۆلاران بلند بوویە بۆ ٧٣ دۆلاران. تەنێ د مامەلەیێن ئەڤرۆ دا، بهایێ ڤی کانییێ سپی ب بڕێ ٣ دۆلاران زێدەبوویە، کو دکاتە ڕێژەیا ٤٪ بلندبوون.
ئەڤ زێدەبوونا بهایێ زیڤی هەڤدەمە ل گەل پەیدابوونا گەشبینییێ ب دانوستاندنێن د ناڤبەرا ئەمریکا و ئیرانێ دا. پێشبینی دهێنە کرن کو ئەڤ جارە ڕێککەفتنەک بۆ ب دوماهی ئینانا شەڕێ ئیرانێ بهێتە ئیمزا کرن، ب تایبەتی پشتی کو سەرۆکێ ئەمریکا ڕاگەهاندی کو ئیران د دانوستاندنێن خۆ دا یا جدییە.
شارەزایێن ئابۆری دیار دکەن کو ڕێککەفتن ل گەل ئیرانێ و ئەگەرێ ب دوماهی هاتنا شەڕی، دێ بنە ئەگەر کو نیگەرانیێن ل سەر سەرهەلدانا هەلاوەسانێ (تەزەخۆم) کێم ببن. ئەڤە ژی دێ کاریگەرییەکا ڕاستەوخۆ ل سەر بڕیار و سیاسەتێن بانکا ناڤەندییا ئەمریکا دەربارەی دراڤی و بهایێ کانییان هەبیت.
بادینان دەیلی | ٢٥ێ ئادارا ٢٠٢٦
