بادینان دەیلی (Badinan Daily):
ل ویلایەتا تێکساس یا ئەمریکا، تەقینەڤەکا ب هێز و ئاگربەربوونەکا مەزن ل پاڵاوگەیا نەوتێ یا “ڤالێرۆ” ل باژێرێ پۆرت ئارسەر ڕوویدا، کو بوویە ئەگەرێ دروستبوونا ترس و دڵەڕاوکیێ ل دەڤ دەڤەرداران.
پۆلیسێن ناوچەیێ د بەیاننامەیەکێ دا ئاماژە ب وێ یەکێ کر کو ئامۆژگاریا ئاکنجیێن بەشێ ڕۆژئاڤایێ باژێرێ پۆرت ئارسەر کرینە کو ل مالێن خۆ و پەناگەھان دا بمینن (Shelter-in-place) و ب چو ڕەنگان نەهێنە دەرڤە. ئەڤ بڕیارە پشتی وێ یەکێ هات کو دوکەڵەکا ڕەش و چڕ ئاسمانێ دەڤەرێ گرت و مەترسی ل سەر سلامەتیا گشتی دروست کر.
میدیایێن ناڤخۆیی یێن ئەمریکا، ژ زارێ دەسهەلاتدارێن پۆرت ئارسەر ڤە ڕاگەهاند کو هەتا نوکە چو حالەتێن برینداربوونێ یان گیان ژ دەستدانێ ژ ئەگەرێ ڤێ تەقینەڤێ نەهاتینە تۆمارکرن، لێ تیمێن ئاگرکوژێنێ بەردەوامن ل سەر هەوڵێن خۆ بۆ کۆنترۆلکرنا ئاگری.
هەتا نوکە ئەگەرێن سەرەکی یێن تەقینا ڤێ پاڵاوگەیێ نەهاتینە دیارکرن و ڤەکۆلین ل سەر ڕوودانێ بەردەوامن.
Badinan Daily – ژێدەرێ تە یێ باوەرپێکری بۆ نووچەیێن جیهانی
