بادینان دەیلى:
پسپۆڕێن بوارێ ژینگەهێ هۆشداریێ ددەن کو ئاگرکەفتنێن بەردەوام ل دارستان و ناوچەیێن پیشەسازی یێن ئیرانێ، نەک بتنێ مەترسییە بۆ سەر وی وەلاتی، بەلکو کاریگەرییەکا نەرێنى یا مەزن ل سەر ژینگەها جیهانێ و گوهۆڕینا سەقای دکەت.
ل دویف گۆتنانێن پسپۆڕان، ئەو ئاگرکەفتنێن کو ساڵانە ل دارستانێن زاگرۆس و ناوچەیێن دى یێن ئیرانێ روو ددەن، دببنە ئەگەرێ بەلاڤبوونا رێژەیەکا زێدە یا غازێن “دووەم ئۆکسیدێ کاربۆنێ” و غازێن دی یێن ژەهراوی بۆ ناو جەوێ زەڤیێ. ئەڤ چەندە ژى دبیتە ئەگەرێ بلندبوونا پلەیێن گەرمێ ل سەر ئاستێ جیهانێ و زێدەبوونا دیاردا “گەرما جیهانی”.
کاریگەرى ل سەر هەرێما کوردستانێ
پسپۆڕ ئاماژێ ب وێ یەکێ ژى دکەن کو ژبەر نێزیکییا جوگرافی، هەرێما کوردستانێ ئێکەم ناوچەیە کو دکەڤیتە ژێر کاریگەریا وێ دووکەڵ و پیسبوونا ژینگەهێ یا ژ ئیرانێ دهێت. ئەڤە ژى دبیتە ئەگەرێ تێکچوونا کوالیتیا هەوای و زێدەبوونا نەخۆشیێن هەناسیێ ل دەڤەرێ.
ژناڤچوونا دارستانێن زاگرۆس
دارستانێن زاگرۆس کو پشکەکا مەزن ژ وان ل رۆژهەلاتێ کوردستانێ و ئیرانێ نە، وەک “سیهێن” ناوچەکەێ دهێنە نیاسین. سۆتنا ڤان دارستانان ب هزاران دارێن بەڕوویێ و گیانەوەرێن دەگمەن ژ ناڤ دبەت، کو ئەڤە ژى زیانەکا قەرەبوونەکەرە بۆ هاوسەنگییا بایۆلۆژى یا جیهانێ.
د دووماهییا ڕاپۆرتێ دا، پسپۆڕ داخوازێ ژ رێکخراوێن نێودەوڵەتی دکەن کو ب جدی تەماشەی ڤێ پرسێ بکەن و فشارێ ل سەر حکومەتان بکەن بۆ دانانا پلانێن تۆکمە دا کو رێگری ل ڤان کارەساتێن ژینگەیی بهێتەگرتن، چونکی گوهۆڕینا سەقای سنووران ناناسیت و مەترسییە بۆ سەر هەمی مرۆڤایەتیێ.
