بادینان دەیلی:
وەزیرێ تەندروستیێ یێ هەرێما کوردستانێ، وەلاتییان ژ هەبوونا دەرمانی و جێگیریا بهایێ وێ دلنیا دکەت و ڕادگەهینیت کو چو پێدوی ب دودلیێ نینە.
د. سامان بەرزنجی، وەزیرێ تەندروستیێ د داخۆیانییەکێ دا راگەهاند: “گەلەک دەرمان ل کۆگەهێن مە هەنە و ب چ رەنگەکی گران نەبووینە، لەوما داخوازێ ژ وەلاتییان دکەین کو چ ترس و دودلی ل دەف وان پەیدا نەبیت.”
وەزیرێ تەندروستیێ دوپات ژی کر کو پرۆسەیا دابینکرنا دەرمانی ب رێکوپێکی یا بەردەوامە و وەزارەت چاڤدێرییا بازاری دکەت داکو چو گرانبوون د بهایێ دەرمانان دا چێ نەبیت و پێدویاتیێن وەلاتییان دابین کری بن.
ئەڤ پەیاما وەزیری د دەمەکێ دا دهێت کو هندەک جاران دەنگۆیێن کێمبوونا دەرمانی دناڤ خەلکی دا دهێنە بەلاڤکرن، لێ وەزارەتا تەندروستیێ ب فەرمی ئەڤ چەندە رەتکر.
بادینان دەیلی – ژێدەرێ تە یێ باوەرپێکری
