بادینان دەیلی:
بانکا ئاڕتی (RT Bank) دەستپێشخەرییەکا نوی بۆ ئاسانکاری د پڕۆسەیا راکێشانا پارەی و خزمەتگوزاریێن بانکی دا راگەهاند، کو مەرەم ژێ کێمکرنا بارگرانیێ یە ل سەر وەلاتییان، ب تایبەتی سوودمەندێن پڕۆژێ “هەژمارا من”.
راکێشانا پارەی بێ “عمولە”
تیمێ ئاڕتی بانک راگەهاند کو ژ رۆژا شەمبی، 7ـی ئادارا 2026 و هەتا دوماهیا ڤێ مەهێ، هەر هاوبەشەکێ بانکێن دی یێن پشکدار د پڕۆژێ “هەژمارا من” دا، ئەگەر ئامێرێن راکێشانا پارەی (ATM) یێن سەر ب ئاڕتی بانک ڤە بکاربینیت، چ بڕە پارەیەک وەک “عمولە” ژ کارتا وی ناهێتە بڕین.
ئەڤ بڕیارە هەمی ئەو کەسان دگریت کو کارتێن بانکێن جودا هەنە و دڤێن ب رێیا ئامێرێن ئاڕتی بانک پارەی راکێشن. بەرپرسێن بانکێ ئاماژە ب وێ یەکێ کریە کو ئەڤ پێنگاڤە بۆ هاریکاریکرنا وەلاتییانە د ڤی بارودۆخێ شەرێ نوکە دا، داکو ب ئاسانترین شێوە و بێ تێچوویەکا زێدە دەست ب مووچەیێن خۆ بگەهینن.
کارتا بانکی ب شێوەیەکێ بێبەرامبەر
هەر د چارچۆڤێ ڤێ دەستپێشخەریێ دا، ئاڕتی بانک بڕیار دا کو هەر کەسەکێ د ڤێ مەهێ دا سەرەدانا لقێن وان بکەت ب مەرەما ڤەکرنا هەژمارا بانکی، کارتا بانکی ب شێوەیەکێ بێبەرامبەر (خۆڕایی) بۆ دهێتە چێکرن.
ئەڤ هەوڵێن ئاڕتی بانک د کێلەکا پڕۆژێ “هەژمارا من” دا دهێن، کو مەرەم ژێ رێکخستنا مووچەیێ فەرمانبەرێن هەرێما کوردستانێ یە ب رێیا سیستمێ بانکی.
Badinan Daily | 2026
