ئەڤرۆ شەمبی، سەرۆکێ هەرێما کوردستانێ نێچیرڤان بارزانی و سەرۆکێ فرەنسا ئیمانوێل ماکرۆن، پەیوەندییەکا تێلەفۆنی ئەنجامدا و تێدا رەوشا دەڤەرێ و پەیوەندییێن دۆستانە یێن دناڤبەرا هەردو لایەنان دا گەنگەشەکرن.
رێگریکردن ل بەرفرەهبوونا شەڕی
ل گۆرەی بەیاننامەیا سەرۆکاتییا هەرێما کوردستانێ، د ڤێ پەیوەندیێ دا هەردو سەرۆکان دلگرانییا خۆ ل هەمبەر مەترسییێن مەزنبوونا ئالۆزییان ل دەڤەرێ دەربری. هەروەسا هەڤبۆچوون بوون کو پێدڤییە بزاڤێن نێڤدەولەتی بهێنە چرکرن بۆ رێگریکردنێ ل بەرفرەهبوونا بازنەیا شەڕی، دا کو ئاشتی و ئاسایش بۆ گەلێن دەڤەرێ ڤەگەریت.
پەیوەندییێن هەرێمێ و فرەنسا
د پشکەکا دی یا ئاخفتنێن خۆ دا، هەردو لایەنان دۆپاتی ل سەر بهێزکرنا پەیوەندییێن مێژوویی یێن فرەنسا ل گەل ئیراق و هەرێما کوردستانێ کر. جەخت ل سەر بەردەوامییا هاریکاری و هەماهەنگییێ د بوارێن جودا جودا دا هاتە کرن کو خزمەتا بەرژەوەندییێن هەردولا بکەت.
سوپاسییا رۆلێ فرەنسا
سەرۆک نێچیرڤان بارزانی سوپاسییا رۆلێ پێشەنگ و کاریگەر یێ سەرۆک ئیمانوێل ماکرۆن و دەولەتا فرەنسا کر بۆ پشتەڤانییا وان یا بەردەوام ل هەرێما کوردستان و ئیراقێ. ب تایبەت بزاڤێن وان یێن دپلۆماسی بۆ دویرکرنا دەڤەرێ ژ ململانێ و ئالۆزییێن سەربا
