مەکتەبا سیاسی یا پارتی دیموکراتی کوردستان، ب هەلکەفتا ٣٥ سالیا ڕاپەرینا خەلکێ ڕانیە، تەئکیدێ ل سەر ئێکڕێزیا ناڤمالیا کوردستانێ دکەت و ڕادگەهینیت: ئەرکێ هەمی لایەکی یە د پرسێن ستراتیژی دا هەڤدەنگ بن و بەرژەوەندیێن بلند یێن خەلکێ کوردستانێ پێش هەمی تشتەکی بن.
ئەڤڕۆ چارشەمبی، ٤ی ئادارا ٢٠٢٦، مەکتەبا سیاسی یا پارتی دیموکراتی کوردستان پەیامەک بەلاڤکر و تێدا ئاماژە ب وێ چەندێ کر کو ئاڤا کرنا قەوارێ دەستووری یێ هەرێمێ ب بێ زەحمەت نەبوویە، بەلکو هەتا ئەڤڕۆ ژی ڕووبەڕوویێ کۆمەکا ئاستەنگێن سیاسی، ئابووری و ئەمنی دبیتەڤە. بەلێ ب باوەریا گەلی و قوربانیدانا پێشمەرگەیێن قارەمان، وەڵاتێ مە یێ ئارام و سەقامگیر مایە.
پشکەک ژ پەیامێ:
ڕاپەرینا شکۆدارا ٥ی ئادارا ١٩٩١ێ، کو ل شارا ڕانیە دەستپێکر و هەتا ئازادکرنا کەرکووکێ بەردەوام بوو، وەستانەڤە بوو دژی ستەما ڕژێما بەعس و بوو بنەمایێ ئاڤاکرنا ئەزموونا پەرلەمان و حکومەتا هەرێمێ.
د ڤێ یادێ دا، پارتی جەختێ ل سەر ئێکدەنگیێ دکەت و ڕادگەهینیت کو سەرکەفتنا مە د برایەتیێ دایە. هەروەسا دەربارەی بارودۆخێ دەڤەرێ، ئاماژە ب وێ چەندێ کر کو پێدڤیە هەرێما کوردستانێ ژ شەڕ و ململانێیان دوور بیت و داخواز ژ حکومەتا فیدرال دکەت ئەرکێ خۆ یێ دەستووری جێبەجێ بکەت بۆ ڕێگریکردنێ ژ هێرشێن میلیشیایێن ژ یاسایێ دەرکەفتی.
ل دووماهیێ، مەکتەبا سیاسی سڵاڤان بۆ گیانێ پاقژ یێ شەهیدێن ڕاپەرینێ و بزووتنەوا ڕزگاریخوازی یا کورد دەنێریت، ب سەرکێشیا بارزانیێ نەمر و کاک ئیدریسێ هەمیشە ساخ.
