ئەڤرۆ پێنجشەمبی 26ێ شوباتێ، ل باژێرێ جنێڤ گەڕا هەشتێ یا دانوستاندنێن ناڤبەرا ئەمریکا و ئیرانێ د سەردەمێ ئیدارەیا دۆنالد ترەمپ دا دەستپێکرن.
خالێن سەرەکی یێن دانوستاندنێ:
بەرهەڤیێن ئیرانێ: شاندێ ئیرانێ ب سەرۆکاتیا عەباس عێراقچی گەهشتە جنێڤ و پێشنیارەکا نووی دەربارەی رێککەفتنا ئەتۆمی و سزایان پێشکێشی وەزیرێ دەرڤە یێ عومانێ کریە وەک ناڤبژیڤان.
مەرجێ ئەمریکا: ستیڤ ویتکۆف، نێردەیێ تایبەت یێ ئەمریکا راگەهاند کو هەر رێککەفتنەکا بهێتەکرن، دڤێت بێ “دەمێ بسەرڤەچوونێ” بیت و بۆ دەمەکێ نادیار بەردەوام بیت.
دۆسیەیێن دی: مارکۆ رۆبیۆ، وەزیرێ دەرڤە یێ ئەمریکا دیار کر کو دانوستاندن بتنێ بۆ پرسا ئەتۆمی نینن، بەلکو ئیران گەفە ل سەر ئەمریکا و د پاشەرۆژێ دا دێ پرسا مووشەک و میلیشیایان ژی هێتە بەحثکرن.
زمانێ گەفان: هەڤدەم دگەل دانوستاندنێ، عەباس عێراقچی هوشداری دا ئەگەر ئەمریکا هێرشی ئیرانێ بکەت، وان پلان هەیە هەمی بنکەیێن ئەمریکا ل وەلاتێن جیران بکەنە ئامانج.
