ئەڤرۆ چارشەمبی، ل سەرۆکاتیا هەرێما کوردستانێ، کۆمبوونەکا هەڤپشک د ناڤبەرا بەرپرسێن هەرێمێ و شاندەکێ دیپلۆماسی و سەربازی یێ ئەمریکا دا هاتە برێڤەبرن. ئارمانجا سەرەکی یا کۆمبوونێ گۆتوبێژکرن بوو لسەر پرۆسەیا چاکسازی و ئێکگرتنا هێزێن پێشمەرگەی.
خالێن گرنگ یێن کۆمبوونێ:
• ئامادەبوون: جەعفەر شێخ مستەفا، جێگرێ سەرۆکێ هەرێما کوردستانێ، و وێندی گرین، کۆنسۆلا گشتی یا ئەمریکا ل هەرێمێ، د کۆمبوونێ دا ئامادەبوون.
• جەختکرن لسەر چاکسازیان: هەردوو ئالیان جەخت لسەر گرنگیا سەرخستنا پرۆسەیا چاکسازیان د ناڤا هێزێن پێشمەرگەی دا کر.
• چارەسەرکرنا ئاستەنگان: گۆتوبێژ لسەر وان ئاستەنگان هاتە کرن یێن کو دبنە رێگر د پرۆسەیێ دا و هەردوو ئالیان لسەر پێتڤیا کارکرنا هەڤپشک بۆ چارەسەرکرنا وان رێککەفتن.
• زێدەکرنا هەماهەنگیێ: بیر و بۆچوون لسەر فراوانکرنا هەماهەنگی و هاریکاریێ د ناڤبەرا هەرێما کوردستانێ و ئەمریکا دا هاتنە ئالوگۆرکرن.
