ئەڤرۆ کۆمسیۆنا پرۆسەیا چارەسەرییێ، کو بۆ چارەکرنا پرسا کوردان ل پەرلەمانێ تورکیا هاتییە پێکئینان، دێ کۆمبیت بۆ گۆتۆبێژکرنا راپۆرتا خۆ یا دویماهییێ.
بریارە ئەڤرۆ رۆژا چارشەمبی دەمژمێر 2ی پشتی نیڤرۆ، هەماهەنگکارێن پارتیێن سیاسی یێن ئاکپارتی، مەهەپە، دەمپارتی و جەهەپە، د چارچووڤەیێ بەرهەڤییێن راپۆرتا هەڤپشک یا کۆمسیۆنا ئێکرێزی یا نشیمانی، برایەتی و دیمۆکراسی دا کۆمببن. ئەڤ کۆمسیۆنە ب ئارمانجا چارەکرنا پرسا کوردان ل پەرلەمانێ تورکیا هاتییە پێکئینان.
پرۆسەیا چارەسەرییێ ل چریا ئێکێ یا سالا 2024ێ ل سەر بانگەوازییا دەولەت باخچەلی، سەرۆکێ مەهەپێ و عەبدوللا ئۆجالان، رێبەرێ زیندانکریێ پەکەکێ دەستپێکربوو. دهێتە چاڤەرێکرن کو کۆمسیۆن د کۆمبوونا خۆ یا سوبەهی دا گرنگییەکا زۆر بدەتە نڤیسینا راپۆرتێ، کو نەخشەرێییا پرۆسەیا چارەسەرییێ ب خۆڤەدگریت.
