نێچیرڤان بارزانی، سەرۆکی هەرێمی کوردستان پشتەڤانیا خو بۆ خهڵكێ چهمچهماڵ و زيانڤێکەفتیێن لافاوا دووپات دکەت و دبێژیت، لایەنێن پهيوهنديدارێن حكوومهتا ههرێما كوردستانێ راسپاردینە ب وێ چەندێ کو قەستا زیانڤێکەفتیان بکەن.
ل 24 دەمژمێرێت چووی دا شەپۆلەکا بهێزا بارانبارینێ هەرێما کوردستانێ گرت و ل چەند جهان بوویە ئەگەرێ دروستبوونا لافاوان ب تەیبەت ل چەمچەماڵ. دهەمان دەمدا کەشناسییا کوردستانێ هۆشداری هندێ ددەت ل 24 کاتژمێریێن بهێت دا ل گەرمیان و پارێزگەها هەڵەبجە مەترسییا دروستبوونا لافاوان هەیە.
سەرۆکێ هەرێما کوردستانێ راگەهاند، کو ب نەخوش حالی ڤە ههوالێن گيان ژدەستدانا دوو هاووڵاتىا و برينداربوونا ژمارهيهكا هاولاتیان ل سنوورى قهزا چهمچهماڵ ژبەر لافاوان باس دکەت.
“پرسه و سهرهخۆشيێن خو ژدل ئاراستهى خودان و كهسوكارێن قوربانييان دهكهم، هاوسۆز و هەڤخەمێ وانم. ژ خودای مهزن دخوازم گيانێن خودێ ژێ رازیان ب بەرزی و ميهرهبانيىا خۆ شاد بكەت و ئارامى و بهێن فرەهی ب ههمیان ببهخشیت، هەروەسا هیوای زووی چاكبوونێ بۆ برينداران دخوازم” .
ژبەر ئەوان شەپۆلێن بارانبارینێن بهێزێن ئەڤرو کو بونە هوکارێ دروست بوونا لافاون، دوو کەسان ل چەمچەماڵ و کەسەکێ دی ل ناحیا گەیلان ل کەرکووک گیانێ خو ژدەستدان. ژبلی هندێ زیانێن مادی زور هەنە وەکی زیانێن زۆر ب ئۆتۆمبێل و خانیێن هەولاتیان کەتینە ل ناوچەیێن جودا ل کوردستانێ.
